琴晚十二點去訓﹒﹒﹒
但係我碌黎碌去都訓唔著﹐因為個腦海不停浮現以前痛苦GE畫面﹐SO唯有睇電視+玩NDS去逼自己眼訓﹒﹒﹒

今朝九點幾起身﹒﹒﹒
我今日要開始溫書啦﹗﹗﹗
食完早餐之後﹐我就開始溫英文﹐睇左兩篇文章﹒﹒﹒

一點幾﹒﹒﹒
去KF﹐BCOZ約左STEP去MK﹒﹒﹒

兩點﹒﹒﹒
去到MK﹐我地就即刻去朗豪坊GE M記食野﹒﹒﹒
THEN STEP撞到佢GE同學﹐真巧合﹗﹗﹗

三點﹒﹒﹒
去無印買野﹐買左一枝紫色GE六角水筆 + 一枝紫紅色GE水筆 + 一枝黑筆﹒﹒﹒
THEN我地就去左十二樓GE CD鋪﹒﹒﹒
諗住買『宮崎駿動畫歌曲集』﹐但係搵唔到﹒﹒﹒
點知就搵到STEP GE同學﹐又見面啦﹗﹗﹗
之後離開NE間CD鋪﹐又撞到STEP GE同學﹐咁多佢GE同學KA﹗﹗﹗

去完朗豪坊之後﹐我地就去新之城﹒﹒﹒
行左好多間精品店﹐終於發現我想要GE野啦﹗﹗﹗
就係鬆弛熊GE SCHEDULE啦﹗﹗﹗好正啊﹗﹗﹗

本黎我想去另一間鋪度買﹐個度買$128﹐但係NE度買$118咋﹗﹗﹗
好采黎左新之城先﹗﹗﹗
個度仲有好多鬆弛熊GE野﹐好想買啊﹗﹗﹗
但係我要儲錢買番部手機﹐SO只係買左本SCHEDULE﹐而STEP都買左本鬆弛熊GE SCHEDULE﹒﹒﹒

四點幾﹒﹒﹒
去完新之城﹐我地就去信和啦﹗﹗﹗
點知又撞到STEP GE同學﹐有冇搞錯﹖
但係STEP已經同個個女仔炒左﹒﹒﹒
炒左個原因係個個女仔以為STEP報串﹐但實際上係另一個報串﹐SO佢地就鬧番左﹒﹒﹒
咁似我GE﹒﹒﹒唔通我地誤會左佢﹖

之後去到信和﹒﹒﹒
諗住搵下個隻碟﹐但係唔見﹒﹒﹒
09年GE月曆出左啦﹗﹗﹗
我都想買﹐但係冇我中意GE吸血鬼騎士﹐點解吸血鬼騎士唔出月曆GA﹖
THEN去左一間好多鬆弛熊GE鋪頭﹐我地想入去睇﹐但係店裡的人正在執貨﹐SO唔俾我地入﹒﹒﹒
睇到另一D仲靚GE SCHEDULE﹐STEP就怪我﹐唔早D黎﹐攪到佢買左鬆弛熊GE SCHEDULE﹒﹒﹒
唔關我事GA﹗﹗﹗我已經一早講左叫佢諗清楚先買﹒﹒﹒

去完信和﹒﹒﹒
我地就去左潮流特區﹐個度都有好多鬆弛熊GE野﹐但係貴好多﹒﹒﹒
行左一陣我地就走LU﹗﹗﹗因為STEP話想買HALLOWEEN GE糖﹒﹒﹒
之後我地就去左瓊華﹒﹒﹒
我地發現GE唔係糖﹐而係銀包﹐個間野GE銀包幾靚﹒﹒﹒
有個SALES問我點解唔洗著校服﹐而STEP就要﹐我就答︰我唔洗返學啊﹗﹗﹗
佢就話︰咁好GE﹗﹗﹗
之後佢問左好多野﹐感覺上好好人啊﹗﹗﹗
本黎我冇興趣買﹐但個SALES話$297兩個﹐攪到我有D心動態﹒﹒﹒
但係STEP唔夠錢﹐但係佢超想要﹐我都有D想要﹒﹒﹒
本黎諗住問家姐借錢﹐但係佢返緊工﹐SO打唔通﹒﹒﹒
之後我地諗住返家拎錢﹐但係一來一回好浪費時間﹐SO我地諗左半個鐘﹒﹒﹒
都係決定返家﹐點知去到地鐵站﹐我地又猶豫﹐感覺上很無聊﹗﹗﹗好似玩野咁﹗﹗﹗
最後我都係決定唔買﹒﹒﹒借錢俾STEP﹒﹒﹒因為我要儲錢﹒﹒﹒
我地去番間鋪頭之後﹐個SALES好似唔記得左我地咁﹒﹒﹒
問我同樣GE問題﹒﹒﹒點解你唔洗著校服﹒﹒﹒
我唔好意思講﹐你已經問過我一次﹐SO唯有﹒﹒﹒
究竟佢係真係唔記得﹐定係想測試我地﹐NE個始終係個謎﹒﹒﹒

七點﹒﹒﹒
搭36B返家﹒﹒﹒
在車上﹐我地就拆戰利品﹐真係冇後悔啊﹗﹗﹗

八點﹒﹒﹒
返到家﹐即刻跳上床訓覺﹐真係好攰﹗﹗﹗
響我熟睡期間﹐有兩個電話打黎﹐我冇接到﹐我唔想咁煩走出廳聽電話﹒﹒﹒
因為如果搵我的話﹐應該會打黎我手機﹐但係冇﹐證明唔係搵我﹒﹒﹒

之後就煮野食﹐食緊野時竟發現個天花板有隻野係度跳下跳下﹒﹒﹒
唔好嚇我啦﹗﹗﹗隻野不停跳﹐好煩啊﹗﹗﹗
好想打扁佢﹐但係佢響天花板﹐點打﹖
THEN我冇理佢﹐繼續玩電腦﹒﹒﹒
之後叫STEP幫我訂對CONS鞋﹐$75咋﹐好平啊﹗﹗﹗

THEN接到MAMI GE電話﹐話細姨暈左﹒﹒﹒
下﹗﹗﹗我當場呆左﹐原來細姨有貧血﹐我都唔知﹗﹗﹗
我想打俾細姨﹐睇下佢點﹐但最後都冇打到﹒﹒﹒

十一點幾﹒﹒﹒
家姐返家﹒﹒﹒THEN叫佢打死隻野﹐家姐真勇敢﹗﹗﹗
之後睇到明珠台播The Phantom of the Opera﹒﹒﹒真係好感人啊﹗﹗﹗
個女仔好衰﹐唔同個爛面男子﹐都唔可以怪個女仔﹐始終人會睇樣﹗﹗﹗
我記得上次睇﹐好似係F.3﹒﹒﹒
個陣MS WONG響MUSIC ROOM播俾我地睇﹐個陣係放學﹐得我+輝+莫莫子睇﹒﹒﹒
我地睇左一半就走LU﹗﹗﹗好懷念啊﹗﹗﹗
點解我成日淨係睇一半唔睇一半GA﹖