當我係尋晚點幾兩點鐘仲下載緊野既時候,

有時會有D怪聲出現(聽到有d笑聲,個種笑聲唔大但好怪,仲有敲牆聲)

雖然笑聲方面我唔多清楚係真定假,但係敲牆聲就聽得好清楚,

而且當我中途去廁所既時候d聲竟然一直跟住(有d心寒....)

突然諗起係鬼節,所以下載完就即時訓覺.......

今日睇左世界奇妙物語其中一個單元,木村拓哉既black room,

爆笑程度100%,故事講木村係外國返黎日本,去到父母間屋時發現入面好古怪,

間屋十分黑,自己多左個妹,老豆去雪櫃攞啤酒要開電單車,

老豆呀媽一次可以飲50罐啤酒,呀妹個樣老過自己老豆既男人樣,

最後發現佢地間屋係打怪獸作戰基地,家人係保護世界和平既人(似超人入面既防衛隊),

最奇係佢竟然比lee D野所感動....加入埋一份.....真係奇妙....

3號就要返學.....真討厭......

特別消息~EVA重製電影版(序)

EVA重製劇場版日本上映啦~~~

可能某家既『起兒』既使徒靈魂會醒覺,大家小心!!!!!!!!

圖取自ZETA BLOG~~~