嘉偉今日開始工幹, 又靜得我同軒軒樂樂三個。
今日放假, 軒軒今朝突然問我點解明明佢地係一齊出世, 但樂樂就係佢哥哥?
我就答佢, 因為哥哥比你快出世, 佢居然話我呃佢 , 話我偏心, 仲發我脾氣 ......
軒軒今年得五歲, 居然會問埋D咁既問題 ......
由細到大兩兄弟個樣好似, 但性格就差一大節
樂樂o既脾氣不嬲都比軒軒好好多, 軒軒就小小事都會唔開心同嬲,
但軒軒就會好坦白, 話一就一 , 話二就二 , 樂樂唔開心都唔會主動同我講, 性格好內向。

我打俾嘉偉同佢講, 開頭都搞到佢都唔知點好
但跟住又叫軒軒去聽電話, 同軒軒講左一陣就收左線, 不過睇得出個仔開心左好多
之後我問佢爸爸同佢講咩, 佢竟然話係男人之間o既秘密, 唔講得
估唔到老公會有計哄掂d細路

然後就送佢地去學琴同長笛, 自己就去個朋友o既屋企學整蛋糕,
又收到一個舊學生電話, 話佢而家已經開始教人跳舞, 仲俾人話佢教得唔錯,
ha, lee d 就係差老師出高徒喇

不過遲d都唔會教舞嫁喇, 始終兩個仔仲細, 想俾多d時間o係佢地身上,
睇來都要專心"嗅"仔, 做個全職師奶先得喇