今日本來有假放, 但係因為又有個新人唔做, SO暫時無得放住...點知放工番到屋企小B病佐...仲要發燒, 只好陪佢睇醫生再番屋企, 死瞓一場, 因為我自己都好累, 但通常佢病我都瞓唔到...好慘啊...只好自己無聊啦...

今日小B放假, 本來就約佐EVA食飯, 但係最後都取消了, 而小B本來都想約人BBQ, 但係都告終了。我番早, 因為佢抽到獎既關係, 我地今晚決定去睇場免費戲...佢本身就話瞓唔著15:00會嚟站頭接我, 但係到最後我都知佢實係放飛機, 點知都不如我所料, 佢真係無嚟到...

等到四點我就打比興仔同呀秋叫佐佢地出嚟食野, 食完之後佢地兩個話番屋企打機, 我咪自己行下街先囉... 跟住都有打下比小B既, 但佢當然係聽唔到啦...就係18:30既時候, 小B自己醒佐打比我, (奇蹟出現啦), 跟住佢19:00到就出佐嚟, 我地去旺角睇戲同行街, 哈哈...今日真係好開心呀...仲行佐好耐, 買佐少少戰利品甘啦!!!哈哈好耐無同小B行過旺角啦, 難得佢今日有甘既心情。 

今日天氣又變啦, 變得好大雨, 我既心情都隨住天氣而變壞了...唔通聰明或者得人鐘意既女人一定要扮傻...但係似乎我一點都唔可愛, 今日我打佐個大陸電話(係係小b個手提度搵出嚟既), 打到去係個女人聽...我都唔知點...到夜晚我都有忍唔住問小b, 但佢話係個同事既電話...又一次口同鼻艾, 我都唔知可以點...?

我唔係唔想信佢, 只係我覺得好難去說服我自己嚟信, 點解又要打擊我既信心呢?唔同係個天比我地既考驗, 定係我自己扼自己呢(甘係咪姐戇居呀)?佢唔係對我唔好, 只係可能有時連我好basic想要既野都比唔到我...甘叫我可以點呀...?

夜晚都應該搵番個朋友傾下...興仔同呀秋就出佐嚟食糖水, 雖然就唔係傾佐好耐, 但係興仔講佐句野都令我覺得好岩既"真正既朋友即使好耐唔見都可以有好多野傾" right...我認同呀, 朋友就係甘, 比起情侶, 友誼果份安全感可靠好多。