今日早上同林喜莉番學,都係好辛苦的>.<番到去交手機個陣就見到黃芷晴岩岩番到.....今日又唔使集隊la!yes= ]
上數學...冇功課要做,我又擅自調位,老師都仲係唔知....英文,今次就有功課la!要用80字做自我介紹...到綜人開始我就發燒又咳又凍又腳軟辛苦到就快喊出黎...中文我就死頂咁想...最後就上視藝la!要去樂富上,開頭就要去到最頂,但係我行得好慢,因我仲腳軟緊,上到去,有開學典禮,我就要自己一個坐,又因為我係最尾的一個....完左開學典禮後,我地就係個一層上視藝(原來連課室都係上到咁頂,有排苦=( )我地視藝的老師係個男人,不過,我唔係幾鍾意這個老師...唉....我今次同一班男仔坐,好唔想呀...完左就搭番車番去學校...到個陣已經係3點50 la!
小息,第一,二又留係課室的....到第三小息就拿筆袋等捨車去樂富,就係排緊隊個陣,盧sir同我有老師推薦我做生命教育大使...佢話我冇得上聯課活動,要去做生命教育大使,又要排話劇同廣播...唉...
放學,我同黃芷晴,張淑賢,鄒浩英,錢嘉怡一齊走,我地有傾有講,幾開心的= ] 我仲約左張淑賢聽日早上睇戲,不過佢話要問屋企人比唔比...跟住走到去斜路,佢地唔同我同路,就咁,我就自己一走la!好多時我都中左"頭獎"...番到屋企,我整個人都好累呀....
5點幾張淑賢call我話聽日ok!我就立即上百老匯網睇下咩位岩坐,睇完知道應坐係咩地方,我就去apm買飛.買完,番到牛頭角就見到d老師,老師個個都認為我係岩岩放學的..好采姐!哈= ]
夜晚,食完飯,都仲係好累的...唔講住咁多la!我都就快要休息la!
好期待聽日可以睇愛出貓...= ]
|
