第2日完全唔想起身 因為訓得唔太好 宅醒左好多次
但到最後我地都係成12點先離開酒店
(話說 人家ERIC&OPHELIA遠道由台灣而來~~係台灣食盡唔少美食~
去到上海呀 澳門呀呢D地方當然變得好咀嚼 唯有盡我能力帶佢地食我覺得好味既野啦)
第1站去食瑪嘉烈葡撻
BABE呢個傻瓜 晨早流流第1樣落肚就要每人塞2個葡撻!
真係好好味 但塞到飽左 仲要飲可樂輔助1下
第2站去義順雙皮奶
本身想去保健 但BABE話義順出名D
我對奶品興趣唔大所以冇食 佢地隔食葡撻都未夠20Min就每人塞1碗雙皮奶
第3站食祥記
好似係每1次去澳門都總係會食架喎?
叫左蝦子麵x2 豬手 魚皮 魚球 仲有大可樂again!
OMG 離雙皮奶不到15Min又食麵=3=
之後去大3巴影合照 再返酒店拿行李 出發去氹仔
先到威尼斯人放低佢地既行李 再打的去官也街
第4站 大利來記豬扒包
我諗BABE真係高估左我 竟然買左1個畀我自己食=3=
又係可樂呀又....
第5站 莎度娜
OPHELIA喜歡吃甜的 所以帶佢食下木糠布甸
咦咦咦咦咦咦咦?!
原來 食左咁少野架咋? 點解我會咁飽???!
之後返威尼斯人送佢地答機場巴回台灣了
我跟BABE就去新葡京食自助山
因為BABE話尋日見我食唔到個樣好失望
(其實係自己想食吧?!)
真係好想出1篇食記寫自助山 因為真係好誇張 (我覺得)
好! 即使唔多相 我都要開1個PO 寫!!!
|
