今朝12:30去左學琴,之後番到食E媽整既煎餃子,真係好好味!呢幾日都好有口福,做左運動都冇用!算喇,得番幾日寒假,等我飲飽食醉先喇!食飽飽又幫佢手包埋其他餃子,好好挽呢!
之後繼續係屋企挽自閉,好悶呢!我想出街牙,我想去台灣行街食野,我想去澳洲讀書!唉..
如果我係大雄,多好呢!!有個隨意門,俾我環遊世界;有時光機,俾我番到細個,唔駛讀書既時候!
今日啲時間過得真係好快牙,我又悶到睇E媽煮晚餐,食飽左!
9點幾陪爸爸去買袋,但係雖然話佢要買野,但係到頭來空手回家,而我就食物一蘿蘿,我為左過下口癮,去大三巴買手信,買到花生糖同埋香蕉糕;之後去左百佳買左兩包威化餅(朱古力AND榛子味道)<--榛子味勁正!同埋一大罐朱古力棒(內有呍哩拿,薄荷朱古力,朱古力三種味道),我仲見到德國版金莎朱古力,70蚊得18粒,有四隻味!好靚架,超想買!爸爸本身話送俾我,但係我覺得真係好貴,我唔想用佢咁多錢黎買哂野食,我知佢好樂意!^^ 所以都係等我有多啲錢先買喇!希望冇咁快會買哂喇!我地之後去左永樂哥間噴水池牛雜買牛雜同尤魚番屋企食,(結果番到屋企俾哥啲食肉獸食哂咁濟,我食得一舊仔牛膀,爸爸比我好,食左兩舊!大佬,買左成40蚊野,你地竟然咁樣報答我地!?)同埋去隔離哥間"澳門制造"買左一包榴槤薄脆食,又幾好味BOR!今日食到超級飽牙..
美味呈獻:
  
|