今晚約到MIMI去睇勞翠跳舞表演,哥間演藝學院個名勁好笑--何黎婉華庇道演藝劇院,(長到咁羅!)
睇巴士時咁岩撞到鼻屎劉,SAY番個HI先,佢著得好似村姑,踢拖LOOK!!
去到仲有超多時間俾我地行下超市,去左新苗買野食,唔知點解每一次行哥到都會令我地諗番好多童年既回憶,我地今日一邊睇野食一邊講以前都好中意食哥樣哥樣...超懷念呢!
之後我地就去睇表演了,睇既途中,雖然沈醉係浪漫音樂,但係我地都係到笑,點解呢!?係因為我地覺得"你"既然企得係中間,點解唔執正啲自己呢!?真係一截截必哂出黎.OMG!KEEP下好啲吧!
睇完之後,我地就行番屋企了,見到有個牙嬸,佢做左動作令我地笑到胃痛,佢想撩鼻屎可惜我地經過佢隔離,佢唔敢係我地面前撩,<-呢個唔係問題!問題就係佢擺出一個撩鼻屎既手勢(尾指),擺係離佢個鼻冇1mm既位置,(係咪好接近鼻哥窿呢?)佢望住我地,之後佢樹係佢隻尾指鼻窿下面吊吊下,我地狂忍笑!
我地去到三盞燈到開左間新包鋪,叫做"我們這一家",我呢啲中意花師奶既梗係即刻標入去睇下喇,最失望既就係佢入面冇"我們這一家"啲產品,得個名去吸引下人!但係佢啲包都好似唔錯咁.又有曲奇,岩哂我喇,我買左個沙翁,超正!(但食得兩啖,俾哥哥食哂),我發覺同MIMI或者哩出街,都係覓食多!
我番屋企時買左包粟一燒,係上湯龍蝦味架!好正牙..唔中意食粟一燒既我都愛上它了!
換哂睡衣,叫爸爸陪我食糖水,去泉記喳咋食芝麻糊,YUMMY!養顏,我中意!
又行超市了,買左好多朱古力餅(半個鐘又俾我清哂3盒朱古力了!)
|