◇◆霆留♥萬花TONG²♀ ! - QOOZA BLOG 網上日誌

SIU_TONG813 : 個人主頁 - 相簿 - 訂閱 [ QOOZA - 論壇 - 登入 ]

SIU_TONG813

暱稱：彤彤
性別：女
國家：澳門
地區：望德堂區

最新文章

•	練舞
•	老而彌堅
•	心情沈重
•	大飽口福!
•	爸B真好!

文章分類

•	全部 (21)
•	彤の喜怒哀樂 (21)

訪客留言

最近三個月尚無任何留言

每月文章

•	2009 年 02 月 (3)
•	2009 年 01 月 (7)
•	2008 年 12 月 (11)

日誌訂閱

尚未訂閱任何日誌

[ 訂閱此日誌 ]

好友名單

網站連結

尚無任何連結

最近訪客

最近沒有訪客

日誌統計

文章總數： 21

留言總數： 26

今日人氣： 0

累積人氣： 1343

站內搜尋

RSS 訂閱

2009 年 1 月 22 日星期四

波斯貓出沒,請注意!	分類: 彤の喜怒哀樂
報告:波斯貓出沒,請注意! MIMI終於放下心頭大石,你個名已經係佢張LIST到DELETE左了!!快啲多謝我講呢個消息俾你知喇! 某某真係好可憐,希望你可以早啲知道呢件事喇!唔係下場就會.....極慘,慘,慘!! 今日又要做風紀喇,真炊炣!但係做埋今日就可以放年假喇,好開心呢!呢日已經期待以久... 但係啲老師極之可惡,年假功課多的是,謝嘉莉俾哥啲高三做既積化和差,和差積化既補充題我地做,30幾題,咩咩"JUST DO IT,一小時的實踐勝過一整天的空想與埋怨!"這是什麼名言名句牙!? 今日BK堂,田鼠又係到鬧人,因為成大半班人冇做LEDGER,但係後尾又講埋啲爛笑話引我地笑~唔好笑羅羅,好冇!?謝嘉莉上堂教我地記公式,要5分鐘默哂,默岩哂!!好野.... 好羅好羅,放學了,放假了,陪勞翠還衫之後去左怡文軒買包食,正如MIMI話齋,真係縮哂水,算喇,金融風暴麻,唔知今年可以收到幾多利是呢!?但係都係咁好味既..... 今晚係年假既開始,好!!要挽飽食醉去....MIMI,星期日,約定你!!喬裝好喇,新一年祝BSC老當益壯!仲有生意興隆.發到個豬頭咁!..
發表時間：2009-01-22 10:50 PM [ 訪客留言(1) ] [ 編輯日誌 ] [ 分享至FACEBOOK ]

2009 年 1 月 20 日星期二

仙女下凡	分類: 彤の喜怒哀樂
講番昨天早上,係下學期既開始!又要比心機喇'但係我臨番學前先記得要做小字功課,OMG!我仲要趕番學做風紀TIM羅,死得喇!我用左2個字超快速咁做哂,途中寫寫下唔見哂啲墨盒牙,毛筆牙!咁靈異既!?搞到自己超拿手唔成世!結果番到學校,鼻屎劉改完我本小字,就入黎話我喇!!預左你喇.,..我寧願俾你鬧,都唔想你當我欠交!因為...因為今個學期唔想有任何既欠交忘帶麻..我要努力!!! 放學去左買HELLO KITTY揮春同埋一個超得意既迪迪尼FILE.. 晚上屋企打仗,嘈到拆天!!我無聊到睇"千機變"SUPPORT EDISON! 今日叫MIMI陪我去攞回鄉証,見到張相,真係仙女下凡!塊面白到超恐布,同回鄉証個底色幾乎係一樣羅!大家可以想象一下,我個樣變成點!?^^,之後去瑪嘉烈買中午,買完,我先知唔記得幫人攞野,12:20分超快趕番屋企羅,用左3個字來回番到學校,超快!因為我驚MIMI己一個好慘,無拉拉俾我扔低係COMEBUY到,不好意思呢!! 今日上堂好悶牙,我狂訓狂訓,鼻屎劉真係好NOW,佢當我地未去過無印羅,狂SALE無印啲糖,小息,見到你,想嘔TIM!點算好...!?放學時,謝家莉話我啲數學幾好,好開心牙!但係希望佢唔好抱太大希望係我啲讀科到,我真係好似唔多店... 夜晚同爸B出街買野,我地又做自由行喇,買豬肉乾同埋花生糖,我爸B仲鬧哥個厄"程"既SALES.太好笑喇!!之後去食糖水,YUMMY!!買埋消夜俾屋企人食.... 好,繼續做我既功課...唔識牙,有冇同學仔識牙!????
發表時間：2009-01-20 11:08 PM [ 訪客留言(0) ] [ 編輯日誌 ] [ 分享至FACEBOOK ]

2009 年 1 月 17 日星期六

早睡早起..	分類: 彤の喜怒哀樂
公告:第二段一連六日十四科既考試終於完左喇,真係捱得超辛苦! 第一日考GE,GR,世史:GE同GR都算可以合格咁喇,世史真係好鬼易(咁即係預言左中史將會好難!) 第二日考新數,三角,BK:新數同三角我就覺得幾易喇,因為我冇一次考試係題題都識架,(今次係例外)雖然未必岩哂,BK就不予置評.做錯左少少次序兼超粗心!唉..好彩答案岩@@ 第三日考國文,經濟:妖,國文唔識文學,7分豪哂俾佢!作文題目係英雄,我由古代到現代既人物都搬出黎講.(連耶穌同埋雷鋒都寫!我幾學以致用!);經濟唔識一個圖,仲佔成20%,你唔好咁樣對我地好冇!其他好彩死背爛背都識既! 第四日考地理,電腦:地理溫到我痴哂線,結果都唔係多識!電腦仲衰,我冇溫過,咩都唔識! 第五日考中史.COM:中史溫哂可惜冇覆到,又係失敗收場,COM老作野,亂填,,死哂! 第六日考代數同修學:代數我唔識一題,都算好架喇!修學又係我地發揮想像力既時候喇,老吹吹到交卷! 我今個星期唔知訓左幾耐,日日溫到天昏地暗,日日係到傾電話!呢啲係咩非人既生活!?搞到殘哂,定我係新年期間執執個樣,早番啲番先得喇! 考完試陪左MIMI去買書包,佢戴住成日KERORO人咁;之後我就去學琴喇,成程嗑嗑下,我呢個星期冇練過,彈左啲咩垃圾出黎牙!? 之後回家去大E媽屋企食飯,歡送思甜!我,E同佢係到挽自拍,扮港女,扮性感,扮可愛,扮欣宜,扮串.扮痴線,扮LESBIAN!麥野都俾我地挽到盡哂,影左超多相.!ERIC哥哥扮港男!笑到我地傻左!順帶,一提,今日的晚餐真的好豐富呢! 其實,今日係我媽咪既生日,但係佢明天要考試,陪唔到我地一齊癲 HAPPY BIRTHDAY! AND GOOK LUCK FOR PASS YOUR EXAM!
發表時間：2009-01-18 12:10 AM [ 訪客留言(1) ] [ 編輯日誌 ] [ 分享至FACEBOOK ]

2009 年 1 月 7 日星期三

溫到天昏地暗.日夜癲倒!	分類: 彤の喜怒哀樂
尋晚正當我做三角做得好興奮,以為自己做哂既時候,我先知仲有倍角要測埋,OMG!唔識羅!咩咩萬能公式牙,學都未學,同我地測驗,章魚你真係當我地係萬能咩!?真係溫到天昏地暗!早上5點先訓教(都係唔識倍角哥PART!)..途中當然有好多娛樂既!真係正在放棄狀態咁樣.. 唔知係咪尋晚太夜訓既關係,隻眼望野超濛,自己仲諗埋一邊,狂諗我會唔會視網膜脫落,白痴到睇下地下,有冇俾我卒甩左羅,!太好笑了吧食左早餐之後就番學測經濟,早上測,攞我命喇!做完哥分野CHECK卷既時候,唔知咩事,我咩野都冇店過,個MON無拉拉自己息左,佢重新登入羅,唔知咩事!?嚇到我痴左線,陸林權又係到講話淨番1,2分鐘,叫我開到快啲即刻做得幾多就幾多,大佬,聖羅撒啲電腦慢到癲羅,開到YAHOO都過哂時間喇....我真係嚇死咁濟!我做得好辛苦架,好彩,後尾佢幫我CHECK番,原來電腦幫我自動儲存左了!好心學校重建,順便換埋呢啲電子器材喇! 之後同IENG,展雅,潘卉去M記食中午,順便抄下功課!之後就番學喇..今日我上既每一堂都係到訓,真係好鬼眼訓羅,由其MISS LEI上既時候,我隻眼成一直線咁望住佢! 最後哥堂先測三角,嘩,一睇分卷,唔識唔識,我第一版做左1題,其他2題因為個腦正處於石頭狀態,咩都諗唔到,跳過左先!後尾都做到,好開心牙,同啲同學對過啲答案,靜係得一,兩題好似唔岩炸!(如無意外) 唉,又要趕去學琴喇,好攰牙!學完又幫某一爛臭喊包補習,我真係好想好想打佢,我只係講話如果溫唔哂,唔俾走"佢就喊喇!喊足一個鐘....我爸爸都叫我唔好幫佢補喇,佢話唔想我咁辛苦WOR.(我都諗緊幾時唔補喇,但係有咩籍口呢!?)佢補到11:00先走,今日同佢補左4個鐘牙!HELP.我虛脫喇. 之後幫爸爸同哥哥整消夜,超豐富的!
發表時間：2009-01-08 02:03 AM [ 訪客留言(1) ] [ 編輯日誌 ] [ 分享至FACEBOOK ]

2009 年 1 月 5 日星期一

頹廢狀態	分類: 彤の喜怒哀樂
繼上次大食會,我都冇打BLOG!!因為寒假過左,我地又要番去一個冷冰冰既地方上堂,我地班放左假之後真係好似遲鈍左啲啲!大家都沈醉係暖笠笠既被窩裏面喇! 講番哥日大食會,我整左金菇肥牛卷同埋綠茶曲奇!(我覺得有少少失敗既曲奇,媽咪竟然話正,仲俾佢食哂,多謝你既支持呢!個金菇肥牛卷我整得好好味架!第1次整,算唔錯喇!出得下大廳咁樣喇,!我唔駛驚嫁唔出喇!KAKA!) EE整白汁磨菇煙肉意粉同埋春卷,春卷冇影TIM!但係俾大E媽既炒雞酒"宣賓奪主",佢狂迫人食佢啲米粉,搞到人地只係嘗幾口EE整既意粉已有飽足感,講明我地煮架麻!都唔識遊戲規則GE! 思甜整焗青口,哩整朱古力香蕉(甜品)我唔知俾咩形容詞呢個甜品,我只係笑左幾聲.. 之後同ERIC哥哥,EE,契哥挽唔知哥個咩遊戲,但係真係好好挽,我同ERIC哥隊贏左! 睇叱吒,超感人,超好笑,超好睇!WILLIAM男新人王,智在必得喇..KAY羅超多獎,(連我爸爸這老餅也知)其實爸爸還好年輕的,哈哈!我太比面佢了' -------------------------------------------------------------------------------------------------------------------------------------------- 1月4日:睇勁歌金曲頒獎典禮,千嬅同古巨基好野,實自名歸!但係哥個袁彌明唔知麥事又發言,歌壇界既事佢又要理埋一份,博出位!另外,WILLIAM跳舞真係好正,男新人獎真的得來不易喔!黃祖藍唱歌好勁牙!關心妍拎錯關菊英個獎,有點糯! 1月5日:呢排測驗輪住咁黎,我陷入左頹廢既狀態喇!搞到我想去報精道既時間都冇,因為補習生日日都黎,根本抽唔到多餘既時間,唉!好想快啲放新年假喔! 大家知唔知 1)WE ARE THE BEST 2)WE ARE THE BEAST 3)WE ARE THE BREAS 三句英文,分別在哪呢!?快啲解下佢,輕鬆笑一下吧! 今日派左BK,因為塗左少少野,所以只得98分!肴欣就好喇,唔駛測,哥張我地測驗既BK,田鼠叫佢當功課做,雖然岩哂都唔會俾100分,但將分打9折,都有90幾,太好了吧!(可能佢睇在佢參加學屆游泳比賽既關係吧!為校爭光!)聽日又要測英文喇,我食屎喇可以!所以叫爸爸去M記買紅豆批俾我做精神支柱(籍口黎架!哈哈)真的太好味喇,等左佢好耐,終於重出江湖喇!好..繼續溫習!大家一齊努力...
發表時間：2009-01-06 02:10 AM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | »