在2008年3月21…..日我正式出發去旅行…..正正式式進行5日4夜的旅程….
今次我地係去桂林….當然係跟團啦(我地係跟XX旅行社..而且係巴士團)
第一日,領隊叫我地7:00係粉嶺火車站度等,咁我地準時7:00到,但係架車就8:00先到,然後就好順利咁過左境啦…….
係食午餐之前,我地都冇乜事….然後到入黑….大約6:30(果陣我地去緊賀州)D人都問重有幾耐先到牙….因為我地都坐左成日車啦而且行o既係山路(而且個導遊話因為D油價貴所以就開一陣冷氣,CLOSE一陣冷氣)………咁個導遊就話重有2個鍾(我地係食完午餐之後架車都冇停過)….咁好辛苦等左2個鍾….架車都未到…..3個鍾….終於都有人頂唔順(果陣大家都好肚餓)就問個導遊…..到未牙…重有幾耐牙….而且已經有一個小朋友好想去廁所…咁架車就終於停低比人去廁所啦…而去廁所的地方只係一D係山邊好細間o既舖仔)而導遊一話可以去廁所…成大半人都落左車去廁所……咁大約等多半個鍾….我地終於都到左賀州一間叫做新XX o既酒店…….去到賀州的時候…個2個司機唔識路…咁就問領隊….咁領隊又唔識….咁就問導遊…咁導遊都唔識…咁點算呢…咁個導遊就落左車…問一個的士的司機…比錢佢…領我地去啦……幾經辛苦我地去到酒店……未落車果陣….個司機關曬D燈…咁等我地落曬車果陣….佢又突然開番曬D燈……(係入酒店之前..好多人話要投訴個司機)咁我地就入去酒店啦….E間酒店好差….咁我地係酒店食晚餐…好難食…..咁我地就上房訓啦….
(經分析個司機係故意行果條路的…因為有幾個團係同我地係同一個地方食午餐,同我地住同一間酒店,而我地到的時候,佢地一早就到左,而且我地係路中係見唔到佢地…係我地到酒店o既時候,佢地重出去夜遊,所以有理由相信係佢為左比少果百幾蚊高速公路費o)
|
