今日因為落雨,所以要係班房到上早會,之後就上班主任節,班主任節Miss Lam係到講做義工個日,每人都要做一樣野,有表演,遊戲,做紀念品,攝影,記錄等等,跟著我就問Jennifer佢做咩,佢話有咩就做咩,之後我就問Mandy,佢話出去睇下先,咁我米同佢排咗隊先,好快就到我地la,咁米睇下,見到記錄有兩個格都未有人,咁米做,本來我想Mandy做組長,但佢話我做=.=...之後就打鐘,上中史堂,悶......跟著上ENG,好快就上完第一堂,之後第二堂Miss Lam突然黎咗,Miss Wong比完功課之後就講,話上次Miss Lam冇返學,Miss Wong就代咗Miss Lam,所以呢一堂要比Miss Lam上番,勁開心,唔洗上Miss Wong堂...上中文堂,有小小悶la.之後上MATH,都冇事...跟著就上最悶ge PTH,點知楊老師好耐都未黎,跟著就黎咗個呀sir,佢話楊老師冇返,好開心,唔洗上堂,我本來以為今堂係做功課,點知呀sir話代課都可以有D野學,跟著講咩正義感同埋勇氣,極無奈=.=講咗大約5分鐘,就比我地做功課,無奈~_~之後就係lunchtime la,我同Jennifer去咗千色店買咗一碗麵返學校食,食食下見到Tracy同Jill,咁跟著佢地就同我地一齊la,之後佢地話想試下我碗麵,就食咗我碗麵ge四分之一 ~.~lunchtime完咗之後上兩堂IS,呢兩堂都係係實驗室過,一共做咗三個實驗......放咗學,去咗搵Miss Ho借樂器去練專題個口號創作......
|
