今日返咗學校學野,今次第一堂做workcard,極悶,係老師睇著我個班,唔係sara,sara係隔離個班教.終於小息la,所有人都出曬班房,跟著我個班ge上半班係到玩Alex,玩到佢入咗我個班ge班房,跟著sara入咗黎,原來sara第二堂教我個班grammer,真係好呀!!小息完咗之後,呀fa黎咗上堂,之後呀覃家俊,ray,deep,aman同埋叮噹都黎咗上堂,之後我地個班房就變咗好多人係到la.fafa同我和yan yan一齊坐,跟著就開始上堂la.一開始,sara一講野個張皓勤(1Bge下半班要同1c ge1-10號一齊上堂,所以佢係到,好慘!!)就係到狂講野,極嘈,佢極乞人憎,成日係到嘈,搞到成班都聽唔到sara講咩,搞到sara極辛苦,真係勁唔想佢同我地1B ge下半班一班.最後因為佢同埋某d人係到嘈,所以搞到我地冇得放學,要佢地安靜曬先可以走,搞到過咗5分鐘先可以走,下一堂我都唔想返la,不過sara叫我返我就返,我去完打golf就返黎上堂.宜家唸返起真係好嬲,個張皓勤係班到嘈,嘈到上唔到堂,又嘈到sara好辛苦,真係好衰,極極極極極乞人憎,真係好,唔係,係非常唔想佢同我地1B ge人一班呀,乞人憎乞人憎!!!!!!!

好野!!終於可以返學la,病咗咁多日,今日總算好返D,所以可以返學.今日返學,個個都問我你好返未.上到班房,坐到自己個坐位,已經有好多野係到,因為我冇兩日返學,所以有好多功課未做,而且重有兩個默書未默,重有workcard未做,唉...真係多野做=.=上咗頭三堂之後就係小息,小息個時見到Miss Wong,佢問我係咩病,我米答佢係氣管敏感囉,跟著佢講咗一大堆野,又話咩氣管炎好大件事,我都唔係氣管炎,唉...之後上個三堂都冇事發生,之後就食lunch la.食完lucnh,我就快D去圖書館,做workcard,個worcard我好快就做完la,因為我係亂做ge,之後又再上堂la.今次上ge兩堂兩堂都係MATH,今堂MATH,Miss Chan讀咗一封情信(不過我覺得似講分手ge信),封信係因為夾咗係本A1簿所以先會讀出黎,封情信好搞笑,又有中文又有英文,加埋Alex又講D搞笑ge野,笑到肚痛,讀完之後Miss Chan就訓話la,然後就教書.宜家開始越黎越鍾意上Miss Chan堂,上佢ge堂真係好開心,一D都唔覺得悶~~(呢排打日記打得越黎越多=.=)

今日雖然病咗,但係都去咗迪士尼ge其中一間酒店到食晚飯,一去到好凍,然後等埋我呀媽就去攞台食飯.我去個間係迪士尼酒店,另外一間係叫做好萊塢酒店.我去食飯個間係食自助餐,一入到去,坐低先,然後我就同我姐姐出去攞野食,攞完之後返到坐位,就有D卡通人物出黎,有米奇老鼠,唐老鴨個女朋友(唔記得佢個名),高飛同埋布魯托,我記得佢地由我坐低到我走個時,佢地都係到,真係辛苦.我臨走之前,去咗禮品店買禮物,本來我想買比FaFa同黃詠欣ge,但係因為太貴la,所以冇買,連我自己個份都冇買,但係反而我家姐同埋我媽媽買咗好多野,我估一定係好貴嫁la......

今日病得好緊要,所以冇返學.今日一起身就去咗醫院睇醫生,去到之後就可以睇醫生,我都唔知個醫生係到講咩,個醫生係講英文ge,之後個醫生話要照X光,我當然好唔願意la,但始終比呀媽逼咗去.照完之後,攞完藥之後就終於可以走la.唉...我病得好辛苦呀,咳到好辛苦,喉嚨非常痛.唉...聽日又唔可以返學la,好想返學呀!!!!!!!!

今日返學勁悶,第一堂上中史...悶.第二,三堂都係上ENG...重悶過上中史,但唔好彩,今日Miss Lam冇返學,第四堂變咗ENG,點知...Miss Lam係小息個時返咗黎,係超勁開心,因為可以唔駛上Miss Wong堂.上MATH個時對卷,冇事發生.最後個兩堂係IS,教完書,對完作業,呀SIR突然話去實驗室,去黎都唔知做咩,D實驗差唔多都做曬,會做咩呢???原來上去睇VCD,係課室睇米得囉.放學本來等呀fa先走,但係因為趕著返屋企,So...sorry!