日日都經過呢間鋪，但始終都唔係好敢入去!
la prairie 活細胞修護柔潤亮肌液
呢隻亮肌液有專利活細胞複合物及高科技的深層滋潤成分, 當然唔止係化妝品咁簡單
係美妝既同時, 有助促進肌膚細胞的自我更新修復過程，為肌膚供應養分以作保濕、增強細胞活力、滋潤肌膚 真係一舉兩得~
個蓋好厚, 好似保溫杯咁有兩層~ 唔知係咪特別保鮮呢？
但唧唧裝就的確可以將產品保鮮, 唔怕產品成日接觸空氣而變壞~
我成日都以為LA PRAIRIE 是瑞士野, 但原來係MADE IN USA的, 又一美麗的誤會~ 
唧出黎, 乳液狀, 幾水份下~
好易推開, 少少已經推左大半隻手仲有多。
望落似肉色，但推開後係無色的, 所以適合所有的肌膚用~
搽完後既右邊手背, 即刻有光澤~
仲要好快吸收, 質地好輕, 完全無負擔。唔覺搽左野咁~
等左三分鐘，光澤感仲係度~
呢隻活細胞修護柔潤亮肌液 可以就咁搽, 亦都可以濕埋粉底一齊搽
搽完, 就好似佢個名咁, SOFT , 好似落左SOFT LENS 咁~
只係搽完普通LOTION 後再搽多層亮肌液， 即刻有SOFT既效果~
只係薄薄搽左一邊面後, 真係好似落左SOFT鏡咁~
但又完全無負擔，唔覺自己已搽左野
當然，呢隻只係亮肌液，D窿窿，印印係遮唔到架~
在白光燈下, SOFT 效果更明顯~成隻手好似用PHOTOSHOP執過咁~
用左呢隻野, 以後D咩柔焦, 人像美化相機可以全部收埋啦 ~! 
名牌之所以為名牌, 一定有佢既價值
呢枝LA PRAIRIE是我接觸呢個品牌既第一次，但效果真係估唔到咁好
佢可以單獨用, 亦都可以混合粉底用, 甚至只用係希望增強光澤既位都可以
識得用, 其實真係好好用。
最重要係, 呢隻亮肌液既價錢都親民左好多
HKD590 有30ML ,真係有排用~
只要 590蚊就可以擁有咁好用既LA PRAIRIE, 真係滿足下虛榮心都抵
何況, 佢真係好好用~
呢件產品係啱今個月新出,所以網站都未有資料架
大家對呢有興趣可以到各大 LA PRAIRIE COUNTER 問下
個度D BA 好好人, 我開初唔識用入去問佢點用, 佢明知我混吉, 都好有心機示範同教我~
真正的名牌, 就是有這點好~  |
