其實, 我是一個好怕睇鬼片既人~
因為睇完鬼片後, D恐佈畫面會不停係我個腦度浮現，不停咁纏繞我, 真係唔驚有鬼~
不過, 矛盾地, 我又係李碧華既FANS, 由中學開始已經不停追佢既小說~
眾所周知, 李既小說大多係怪力亂神, 唔係精就係妖, 唔係鬼就係仙。
不過，我更喜愛既係佢對小說細節既執著，對人物, 人性既描寫~
<<脂胭扣>>的如花，相信沒有人會覺得恐怖吧~
<<青蛇裏>>的白蛇，我是許仙，會更愛她~
不過, 近年李碧華似乎有D走火入魔~
故事不停以血腥, 恐佈去誇眾取寵。不知是否應市場需要。我看書，已心驚了~
本來正考慮會否看開宗明義是恐佈片的<<迷離夜>>, 但思想正在掙扎中便已落畫了
但 多謝 MS SHARING請我看<<奇幻夜>>
命中誰定, 我和她還是有綠的~
原著：李碧華
編劇 : 陳嘉上、鄧漢強、李碧華
導演：陳嘉上 / 劉國昌 / 泰迪羅賓
演員：陳法拉 / 林家棟 / 泰迪羅賓 / 莫綺雯
整套片分開不同的三個故事, 由不同的導演拍攝~
[枕妖]
導演：陳嘉上
以陳法拉和林家楝的床戲作招徠, 但我更喜愛整個故事~
女朋友因妒成疾，私自查看男友的電話短訊，發現男朋友和前度還有聯絡, 於是大發脾氣~
其實這個情況在現今社會婁見不鮮~
現今的男人太善心，往往以照顧前度為已任。但卻在不知不覺間破壞了和現任的關係~
女人生氣嗎？便變成不夠大方，不夠體貼。
既然那麼在意, 那麼關心，又何解會成為前度呢？
既然已成過去, 又何必再去裝關心，扮有義~ 再見亦是朋友，但你真的很缺朋友嗎？
為何要讓現任去沮喪呢？
女朋友生氣了, 發脾氣, 掉東西, 甚至以死相迫~
這又何必呢？從來都不贊成以生命去迫令人。
留得住個人都留唔住個心。
今日唔走，他朝一日都會走~
既然係咁, 早走早著好過啦~
因為男人 "走左" 令到女主角失眠, 在同事建議下買了一個枕頭
這個枕頭令她在夢中回到和男朋友一起的歡樂時光。於是便終日埋首夢中不願醒~
以致差點衰命~
其實, 很多人心裏都有一個枕妖, 只要生活不愉快，便選擇逃避，以為不去面對現實何可解決問題。
逃避到最後, 只要死路一條。
正如女主角，最終被人拉回現實, 才能得救。
凡事, 都要自已去動腦解決，逃避責任，最終只係令自己走入窮巷~
陳法拉和林家楝在這套戲均演得不俗，但床戲部份實在露骨得黎亦唔夠吸引，無美感之餘亦欠浪漫。
起用法拉, 但又要用替身, 令到2頭唔到岸, 去唔得盡之餘亦要就位, 不如起用一個肯博的新演員, 效果可能更好~
建議參考一下韓國的情色電影~
第二個故事~
[迷藏]
導演：劉國昌
一個被殺校的舊校舍將拆卸, 眾學生回來懷緬一番, 誰知卻貪玩惹上殺身之禍。
好明顯, 李碧華的用意是諷刺政府的殺校政策, 正如學生話." 間學校咁新都要拆"
但可惜整套戲的環境, 佈景都不入流，無啦啦點解會有個搖搖木馬係學校？
而且內容空洞。為何校工會選擇留係呢度？為何要佢突發身亡？
整群學生何解會死，全部都不明不白~
只是不停以黑暗的畫面和塗白的鬼臉來嚇人~ 實在有點兒悶~
遊戲玩一次便夠，玩多了，便變得無新意了~
第三個故事
[黑傘]
導演 泰迪羅賓
泰亦同時飾演一個拿著黑傘到處幫人的奇怪阿叔。但往往好心卻得不到好報~
幫人反被人鬧。更帶出了人比鬼更恐怖的道理
而另一個演員莫綺雯就道出了大陸人黎香港做妓女既辛酸 (李碧華的小說亦有不少以此為題材的)
兩者相遇，本以為只係互相幫忙的小故事，誰知卻有出人意表的結局。
戲中的亮點, 反而是關楚耀打劫一幕，參考了最近的一單新聞, "七仔打劫勸退"
張國強的小巴司機很入型入格，而且爆笑中亦很有人情味~證明, 人間都有情~
此片在最後出現大量的血腥場面，令整個故事變得很迷幻，亦很超現實。
但可惜本人一直很怕這些場面, 所以全部SKIP 了~
戲名以<,奇幻夜>> 因為三個故事都在入夜後才發生的~ 但是否奇幻，就見人見致。
不過, 本人還是喜愛早期的李碧華小說和電影，這些太重口味了~
如要聯絡本人，請電郵至： [email protected]
|
