好多謝THEZTYLE 選中我試用 L'OREAL Paris TURE MATCH 粉底液同粉餅

粉底試用我最啱啦~

雖然我唔係個D超級粉底控，但粉底液絕對係我最捨得洗錢既化妝品~

雖知道粉底液會貼住成塊面, 胭脂, 眼影都係搽在粉底上面。如果個底打唔好，之後既野就點搽都會失色啦~而且唔好粉底會塞毛孔，會搞到皮膚爆粒粒, 甚至敏感, 後果真係可大可小架~(好似好嚇人添)

 

講番今次既試用, 今次既試用好好, 有粉底液+粉餅一套過，而且仲可以去專門店試左色先擇SAMPLE, MATCH 番哂~

帶埋囡囡一齊去LOREAL APM, 似去搞亂多過幫襯，但個BA都好好, 好耐心講解, 搞到我都好想試用埋 LOREAL 既其他產品。

叫得TURE MATCH, 一定有番咁上下既選擇, 佢既粉底液有6隻色揀, 而粉餅亦有6隻色揀 

最後BA幫我揀左N4既粉底液同R2既粉餅

開頭覺得N4偏白, 但BA解釋 粉底液白少少OK, 搽番帶紅既粉餅就可以平衡番,  又學到野喎!

 

粉底液好水潤，一唧上手好似水狀, 而且好易BLEND 開~ 原來仲有SPF 17/PA++, 又可以慳番D防曬啦~

 

 

平時我好少用粉餅的，通常都係用碎粉多，不過有盒粉餅出街補下妝都幾好

好記得以前讀大學時有個ROOMMATE 長備一盒粉餅，每次出街都搽幾下係個鼻度~ 其他地方都無搽的，好奇怪的習慣呀!~

 

講番盒粉餅, 一打開, 令我有少少失望, 點解個粉撲係有粉的~ 金田一後, 應該係周邊既粉剝落。不過感覺己打左折

 

TWO WAY CAKE 既用法係可以當干粉同濕粉用, 但記得用作濕粉時, 是要整濕個粉撲先去沾粉, 咁樣D粉加左水就會變左濕粉架啦~ (其實好多人都知啦, 真係癈UP~)

佢遮哂我D窿窿呀~

 

估唔到百幾蚊既粉底都有咁既效果, 真係好好用, 即刻用, 日日用~