多謝THEZTYLE及雅培的邀請，令我有機會去見識下，原來呢D講座係咁好玩同有趣。 令我地全家過左開心快活的一個家庭日~

帶大家一齊睇下

今次的活動主要分四個活動區, 測試各小朋友的能力，以及教導家長各種幫助小朋友腦部發展的方法。另外仲有星級嘉賓講解交流一下育兒的心得~

因為時間關係，大會安排左我地參加三個活動區

(THEZTYLE 的工作人員真係好有心咁寫左個RUNNING DOWN俾我地, 好細心呀)

第一個係BB腦力3Q測試

根據不同年齡既小朋友作相關的活動，並有專家在旁俾分，之後仲會有專家的講解

我個豆丁囡, 得14個月, 所以安排左去認形狀同顏色。

叫佢入番D形狀, 死都唔聽人講, 講到我都想放棄，但工作人員仲好有耐性去教~

你睇佢入到後o個個得戚樣~

 

叫佢去放相同顏色，個衰女又拎住唔肯放，仲連人地其他顏色都攞埋, 但個專家哥哥都好有耐性，循循善誘，最後都成功放到......一個咁多啦~

 

工作人員同佢寫左個報告後, 交俾另一個專家哥哥去作更詳細既分析。

原來太文靜既小朋友都唔係咁好, 因為可能佢唔識去諗野架, 以後唔好再鬧個小朋友百厭啦, 其實百厭係聰明的一種黎~

我個囡既報告~@@完全中哂啦, 慢熱，唔獨立，無交流，最衰掛住要換片，唔得閒同專家哥哥一對一提問添~ 不過佢地如果有咩問題，直頭可以上去佢地OFFICE, 都會有專人解答架，真係好服務。

之後就到星級嘉賓既問答環節，今日既嘉賓有張祟德同劉美娟, 仲有楊婉儀同d 小朋友一齊唱歌跳舞~

原來張祟德係主修數學, 副修音樂, 數學同音樂有好密切既關係，例如音樂既拍子，節奏其實全部都係數字黎，所以可以俾多d音樂小朋友聽, 有助他地對數字既敏感度。原來佢地係屋企既對答會變成唱歌模式，好似歌劇咁~好搞笑~

我仲有幸問左張祟德一個問題，小朋友唱歌，大人同佢一齊唱效果好好多，因為呢個亦係好重要既親子活動, 小朋友好鐘意同大人做同一樣野，所以大家一齊唱下歌, 擁抱下, 傾下計, 已經係好好既親子時間。

而第二part 楊婉儀亦提到, 就算真係好忙，每日15分鐘, 關哂所有電話, email, 只係同小朋友獨處,傾下計, 擁抱，講故事，已經係好好既親子活動。大家唔好再話忙, 無時間陪小朋友啦~

之後楊婉儀帶領全場既小朋友一齊唱歌跳舞, 掀起了全場的高潮，d音樂好好聽, 又直接簡單,  加上動作, 小朋友都可以一學就識。

之後仲一齊上台影大合照, 真係好多人~

我仲無啦啦做左攝石人, 坐左係星級嘉賓楊婉儀隔離，仲同佢傾左2句添~

不過阿囡竟然係瞓足成個講座，因為佢知道黎緊仲會有2個好好玩既工作坊等緊佢嘛~

第二個工作坊就係由楊婉儀同一班工作人員帶領既星級playgroup

第一個係將小朋友慢慢升, 之後突然down, 俾佢感受下個離心力。

第二個就係拋絲巾，遮住個小朋友等佢感受下由唔同顏色望出去既感覺。又可以同佢玩peek a poo, 阿囡好like既活動, 佢識自己攞番條絲巾落黎~

仲可以將條 絲巾掉上天，等小朋友望住佢慢慢跌落黎, 訓練佢既追踨視覺。

估唔到一條咁簡單既絲巾都咁多野玩。

第三個活動既係用布製造wave, 之後又放d波波係上面等d小朋友玩
阿囡開始唔敢攞d波波, d 工作人員姐姐又好有耐性咁拎個波俾佢, 仲教佢呢個係橙色波波。

玩到後尾，人地要收波波, 阿囡竟然拉住人地個籃唔俾人走~貪玩得佢呀~

每玩完一個活動, 都有工作人員黎問番我既感覺，呢個當然係最好玩啦~

因為我係被邀請的, 仲會接受錄影訪問,  好緊張呀, 原來做明星好難架, 緊張到我都唔知自己講左乜~到時出街可能俾人CUT哂都唔定~

第三個BB創意藝術敎室

就係俾小朋友畫畫, 阿囡第一次畫畫, 似模似樣咁喎, 但最後搞到佢同我一身都係顏料~

畫完仲會將幅畫製成襟章，但要等, 阿囡要趕住返屋企食粥仔, 唯有將佢幅大作拎走自己返屋企裱起佢啦~

係咪好藝術呢~

最後, 多謝雅培送左2大袋禮物俾我，真係好SURPRISE呀, 除左奶粉外，仲有SKIN CARE, 估唔到連剃鬚刀都有,除左BB，連爸爸媽媽都照顧埋，真係多謝哂~

 

以前成日覺得呢D講座好悶，請一大班專家講講講, 但參加左雅培呢個工作坊後, 令我全部改觀哂，真係好希望以後仲有更多的機會參加呢類型既活動，我知道囡囡都一定係咁諗，因為個晚返到去, 佢仲笑足成晚呀~