一輪嘴UP完一大輪, 無咩心機聽，話聲唔使啦, 想收線, 佢又唔俾我收線～
我見今日又無咩做, 星期五人又HEA D, 就聽埋佢啦

原來係美容院公司 SELL試做FACIAL

HKD 108 ,一個半鐘

做完有50蚊超級市場COUPON 送, 仲有貨 SIZE 既精華素送 (問佢有幾多ML, 又話未見過D貨, 唔清楚)

其實係咪好抵？又未至於啦, 免費既都大把啦~不過間野係我公司附近, 又話今日有位可做, 見咁耐都無做過FACIAL, 去試下~

跟住, 個SALES PASS 個電話俾個妹妹仔, 幫我BOOK左今日 6: 30 去做。

問妹妹仔, 點解會有我資料？

佢諗左一陣話可能佢同事之前COLD CALL 問我攞資料，

我話無呀, 同埋你地知我姓乜架喎, 佢話可能你之前留左資料啦,

我話無, 佢話可能我唔記得(我好記得, 我無COLD CALL 同佢留咁多個資料啦), ANYWAY, 算啦~

之後收到佢公司既CONFIRM MSG, 用地址上網一搵，, OH NO, 個地址有好多網上評語，話係模特兒公司呃人的 PARTNER 公司。好驚喎, 再睇下個MSG, 無公司名的~

好彩之前寫低左電話，打去問, 先知原來間野叫 DOCTOR'S CONCEPT, 係楊怡做化言人的美容院, 亦贊助過香港小姐的~

咁.....都好D~

再上網睇下 DOCTOR'S CONCEPT 既評語, 好多都話成日屈人買PACKAGE, 成日SELL 野~

唔好問我點解仲去, 總之個一刻我好想去睇下~

四點幾, 有個MISS CALL, 打去聽留言, 原來係美容院打黎DOUBLE CONFIRM 時間同講番SEND左個CONFIRM MSG 俾我, 個一刻覺得佢都幾細心, 同埋好多做FACIAL 之前都會再打黎CONFIRM 的~

六點三, 電話響, 又係個間公司？又打黎CONFIRM, 我第一句就話, 你地之前咪打左囉~ 救命~

卒之上到去, 間野既門口比我想像中細, 坐底填左D資料

打量下, 真係有香港小姐同楊怡既相喎

等左一陣, 個CONSULTANT 入黎同我講

CON : 唔好意思 X小姐, 因為依家D房好FULL , 同埋無人手, 你介唔介意等一陣

我：等幾耐？

CON : 九個字度啦~

我: 我之前約好哂啦, 你地又打過黎CONFIRM時間, 點會無位架 ?

CON : 可能係BOOKING 個邊D同事唔清楚

我：唔係問清楚先CONFIRM人架咩？你地打左三次黎CONFIRM 我時間呀, 係咁REMIND我要6:30PM。家下黎到又話無得做

最後，我當然咩都無做到，走人啦～

咁大間公司, 仲話贊助香港小姐, 做個少少既BOOKING 都可以咁混亂~

最驚係, 打番屋企俾阿媽, 阿媽話有間美容院今日打佢手機搵我 (佢係講搵X小姐的) , 我阿媽又好隨意咁俾左我個電話佢~!
照計, 我平時申請所有野, 都係用自己個名同電話，基本上係唔會填阿媽既資料, 真係唔知點解佢會有我地既資料, 但點解係打我阿媽既電話搵我, 而且問佢, 佢又唔如實咁答~呢間野.............真係耐人尋味~

咁就搞左我一日，真係O徒時間,O徒心機~

發表時間：2012-05-26 01:04 AM [ 編輯日誌 ] [ 分享至FACEBOOK ]