雖然今日陰天，仲落雨添，不過大家都唔可以鬆懈, 因為咁既天氣, 指外線指數都有5, 係中度~
你諗下當萬里無雲的日子, UV 指數有幾勁。
曾經有朋友話, 咩都可以唔搽, 但一定要搽防曬
因為指外線不單會令你變黑, 仲會出衰老同出雀斑 (就係無搽, 去左幾日台灣就出左啦) <--故事
因為台灣既經歷, 開始去物色防曬用品
TZ 真係知我心意, 即刻俾左兩枝SUN KILLER 我用~
收到信, 仲以為一枝FOR 大人，一枝FOR BABY 既(因為佢有出FOR小朋友用既防曬架) ,諗住阿囡同我都有得一齊用添，點知原來自己搞錯左~
SUNKILLER BB納米防哂乳液 30ml (價值HK$54)
佢既BB, 唔係baby, 而係BB CREAM, 可以搽係面同身既防曬~
其實唔係好明BB CREAM 點解會搽係身, 所以我都係用黎搽面啦~
佢有依家好興既超細納米防晒粒子, 納米幾勁, 大家都知啦~
而且仲加入左唔少補濕既植物萃取物, 防曬之餘仲可以做埋保濕~一枝搞掂哂~
佢既牌子出左唔同既度數FOR唔同既場合，而我呢枝50+既, 係超級勁啦~可以俾你長時間係戶外都OK~
不過, 其實所有防曬用品，度數越高透氣度亦越低，亦會越笠，所以唔一定越高就越好,
如果大家只係坐係OFFICE 多, 建議買D 低度少少既, 唔使成日焗住同笠痴痴, 記住, 要因應自己既需要而買呀~
從底部既包裝見到呢枝野係日本包裝架, 54蚊就用到日本貨~真係好抵
會樽真係寫住MADE IN JAPAN 架~日本D防曬有幾勁，大家都知啦~
因為係BABY CREAM, 有少少蝦肉色，而且質地好水, FEEL 唔FEEL到佢已經係度流緊啦~
搽左, 好薄, 好易推, 不過可能太薄啦, 我D 大窿窿都唔係好遮到~
不過整體既膚色都均勻左同亮白左~同埋唔會白曚曚, 好自然, 搽左都唔覺~
試用：
當日我搽完出街後, 因為中午太陽太熱, 出去兩個鐘, 已經全身濕哂同塊面都流哂汗，但個防曬依然緊貼我, 無被我D汗水沖走
而且成個樣都仲係度, 唔會流汗變左大花面~
不過, 成面面油了~
(SORRY, 唔記得影番張相呀~ )
不過以當日既咁熱既指數黎計, 出面油係好正常啦~
呢枝係俾戶外長時間用的, 所以如果長時間係OFFICE 用, 建議買低D度數，透氣度會高D~
但如果須長期戶外工作, 呢枝防曬可以幫到你, 起碼佢唔會因為流汗而令你變臉先啦~
但...我有一個疑問, 搽左防曬, 仲使唔使搽番碎粉？
SUNKILLER強效納米防哂乳液 30ml (價值HK$54)
呢隻係專搽BODY的, 包裝同BABY CREAM 一樣, 而且都係MADE IN JAPAN 的~
好水, 打側少少, 已經開始流落黎~
搽開後，白色已經唔見左，唔會仲有一PAT PAT 係度~
提提大家, 搽防曬時記得連頸背都要搽呀~ 好多人習慣搽係手同腳就算, 其實頸背位係最受光既, 尤其係短髪同紮起頭髮, 頸背皮膚直接對住太陽，好易曬傷架~
結論：
當日都係中午時份烈日當空出去行左2個鐘，全身出哂干，但防曬依然係度, 而且仲超干爽
大愛呀 ~唔笠, 唔焗~真係好好用~如果大家要買防曬，不妨考慮下佢啦~
|
