罐上面話每日要飲2杯

我安排左朝早九點返到公司一杯 (因為咁, 仲幫我戒左飲咖啡)

下午四點下午茶時間又一杯

 

第一日

因為我係一路做野一路飲，可能太慢, D奶粉會結埋一舊係底, 

所以沖左要快D飲

第一晚返到屋企食完飯, 個肚開始搞搞下, 又唔係大搞, 只係有少少作搞肚痛咁

屙左D好臭既便便出黎. 仲要開頭比較實, 後尾開始少稀(好似有D核突, 不過想解釋清楚D嘛~) 

之後成個星期，每日回家都有便便, 但D便便好似無開頭咁臭, 都無咁稀, 正常番

 

星期六,日, 唔記得拎D奶粉回家, 無飲到, 有便便, 但無咁臭~

星期一, 再飲

又重覆番第一個星期咁, D便便又臭番, 後尾又稀左

 

如是者, 食左2個星期, 日日都屙得好清, 個人感覺都輕鬆左

 

但因為咁, 我又食多左薯片同雪糕~

本黎, 都諗住無望架啦, 應該都唔會輕得去邊~

 

其實呢個係BABY MO同三花舉辦既試飲活動

要係飲之前同飲完14日分別由專人幫你度呎吋~(無得作假)

 

到左要交報告個日, 上去磅重同度度 好緊張~

 我竟然..........咁都有瘦到喎~ 仲要比上次磅輕左一公斤, 真係估佢唔到呀~

我覺得因為佢加入左水溶性纖維,幫助我條腸運動，將之前未屙清既便便一次過排哂出黎~
之前成日谷住谷住既肚仔都鬆哂~

成個人感覺都輕盈左。

露一露先，肚腩真係細左好多呀~

 

雖然唔係話一下子瘦左好多個D, 但我對呢個效果都好滿意

因為佢令感覺到成個人都鬆左咁，而且可以補鈣之餘又唔怕肥

睇番佢D成份, 仲有維他命C同E, 兩種對皮膚都好好架~ 唔怪得佢話仲可以美肌啦~

所以我都推介左俾好多朋友飲

因為鈣對女性真係好緊要, 尤其打算生小朋友或生完小朋友既SIS,

有D 媽媽因為唔夠鈣, 陀BB時會甩牙（Ｄ鈣俾ＢＢ扯哂）

 

同埋好多女性到中年時都會有骨質疏鬆既問題，全港有逾七成50歲以上的女性，骨質密度偏低, 其中一個原因都係唔夠鈣

所以想補鈣而又怕肥既SIS, 飲三花呢隻高鈣脫脂奶真係好有用∼我應該都會繼續飲∼

 

度完之後, 雀巢仲送左一大份禮物俾我添~