屋企廁所裝左黃燈，所以影D相出黎都要執過少少先睇到色，原來出妝文真係好難架~
第一迎新禮
多元水活防曬BB霜
是一個集防曬, 護膚同遮瑕的BB CREAM, 防曬度更逹到 SPF43 PA+++. 同太陽油咁勁~
呢個品牌仲搵左水魚sis 做model 試呢隻BB cream 添，大家可以去youtube搵搵~
話明係BB CREAM, 當然係好CREAMY啦, 佢既質地偏向膏狀, 比較杰身。不過亦都好易推開~
少少已經夠搽成塊面。呢包2g 既試用狀, 我用左2次都未用完，好抵用~
搽左BB CREAM 後, 面色均勻左, 雖然D 窿窿未遮得哂, 因為我唔想太厚粉~
跟住, 就搽埋另外兩樣禮物~晶透玻璃唇膏 (淺粉紅色 ) 及絕色心動眼影 (綠色系)
順序由左到右
第二格淺綠色開始, 搽埋第三格既草綠 再係眼尾加埋最後既墨綠
Za 既 眼影好易上色，採少少已經好出色, 不過間中會有d 散粉既情況, 所以用個時要小心
不過搽左落去既持久度好好, 成日都無咩點甩同點淺色左。
搽左 無搽
唔係好覺？仲係好似仲爭d野？
咪就係爭條眼線囉 ~加番條眼線, 成隻眼即刻shape哂~
呢張相可以睇到eye shadow 既色好出~估唔到呢隻綠色又幾襯我既style~ (我走開型格路線架嘛~
)
對比下, 係咪化左妝精神左好多呢？
但... 眼眉有少少粗疏？
我, 會用舊左既mascara 去當眉掃, 因為用眉筆晝一條眉出黎, 感覺太實啦~我鐘恴自然d既感覺。
晝完左, 係咪成條眉都順左, 但又唔會太粗, 搶左眼妝既風彩~仲好環保添~(因為可以用番枝舊既marscara 嘛~
用後感
++++++
最LIKE 佢既自然色, 搽左上面, 真係好自然, 唔會有白硬化既感覺。無一般BB CREAM 既偏白問題。
當日一早搽左BB CREAM 就直踩去油塘既工廠區。真係好彩搽左CREAM 咋, 曬到呢~ 成個背脊都濕哂。
不過, 個妝都仲KEEP到。眼妝都無溶到~無化到。當然, 咁熱天時, 油就一定有出少少, 不過, 並無油光滿面, 只係T字位有少少油。 佢既控油效果比想像中好好多喎。(影左相, 但完全睇唔到有出油既效果, 所以算了)
另一晚, 夜晚五點幾化妝, 約左朋友出街食日式爐端燒，對住個爐成晚, 到夜晚十一點幾回家, 依家KEEP到, 無咩油,無咩溶到。
真係幾好, 唔單KEEP到個妝, 仲唔會令油份增加。
不過, 因為質地比較CREAM 狀, 搽左後, 我要搽好多碎粉先可以令到塊面有干爽既感覺。可能因為咁, 令到個妝比較厚身左, 有少少焗既感覺。
依家於7月9日至22日期間，分享您試用Za多元水活防曬BB霜的用後感，即有機會贏取一套12件的「TOTAL HYDRATION多元水活系列」產品 (總值: $1,197)！
詳情請CLICK 入Za 既Facebook 的網站
記得快D成為Za Facebook 既 FANS. 因為佢不時都會有抽獎架~
(我之前都係度抽中左枝補濕噴霧呀~
)
, 成面窿窿, 仲有敏感既泛紅
