老實講, 化左咁多年妝都無真係去正式去學下化妝,
至多係買化妝品時 聽D BA 講下,
去EVENT時好GENERAL 咁聽下
上網睇下佢地點化~
但針對自己個樣去學化妝, 真係無試過~
唔使錢, 去見識下啦~
金馬倫道 SOLO 大廈, 我諗有SIS 都好熟悉，因為以前 THE ZTYLE既總部就係呢度啦~  又是那些年啦~ ，  其實未去之前真係有D驚驚地, 一個人,無啦啦係網上報名去一個唔知咩既地方，
會唔會叫我買野架~
會唔會有危險架？
不過一上到去見到 兩個熟口熟面既BLOGGER, 阿SIR NICE 又靚仔, 即刻當堂定哂~  雖然地方細細, 但每人一個位, 一大塊鏡。唔使爭~!
今日素顏 (我真係要練一練自拍啦~  )：
化妝前, 大家都會搽番D 基本既SKIN CARE, 而當然唔好用GEL 啦, 有擦膠碎嘛~ 
今日我地會化一個淡淡既日妝~淡妝, 最難就當然係遮瑕啦, 咁薄, 咩衰野都見到哂~
所以我地會先做遮瑕呢個STEP 先~
尤其係黑眼圈~
阿SIR 既法寶 : BOBBI BROWN 既PEACH CORRECTOR~
原來我地眼底既黑都有深同淺架, 所以只係用一PAT 遮瑕膏抺落去, 只會遮到淺又未必遮到深, 遮到深又會好厚~
而秘訣就係用PEACH 搽一下係眼底既最深既位, 再印開~
一筆加印幾印，黑色真係唔見哂~好神奇呀~
難為我平時死搽難搽都係一個黑圈~  睇下阿SIR 幾認真咁同每一個人去講解佢既問題, 而我地既 BALLET TATA好有MODEL FEEL呢~
如果用掃上濕粉, 記得要用掃貼近D眼底既位置呀, 唔係會留番一條線好奇怪的~
上碎粉, 你會用掃定撲呢？
原來阿SIR 教兩樣都要用呀,
就係將D碎粉放落個撲度再用掃掃~
係咪擔心會浪費左D碎粉？其實.....係唔會架 因為我地仲要係D鼻位, 額頭既T字位用個撲去印一印
咁樣, 我地個妝又唔會太厚太實, 但又唔怕T字位出油會好快溶妝
我真係無諗過啦......係時候去買番個撲啦~  化妝是視覺效果黎, 但唔係將所有顏色放上面就叫靚
懂得利用光與影來塑造出輪廓, 特出優點, 才是最高超既化妝技巧
SHADING, 對我地呢D偏平既東方人真係好緊要
呢個係阿SIR 既SHADING
阿SIR 話揀SHADING 記得要偏黃
呢個係我自己既SHADING
之前揀左好耐, 好多搽左都偏紅
係呢隻叫比較自然~
好多人都識嘟起個嘴, 凹入去既搽上去就OK
但阿SIR 話, 記得要搽埋耳背同下巴下面呀
因為呢D地方比較少見陽光，會偏白
而係佢附近搽左SHADING, 咁會好突兀啦, 係人都見到你搽左一PAT啡色陰影係度啦~ 所以下面搽SHADING, 記得搽埋呢D位啦~
而且搽SHADING 好睇每個人既輪廓，唔可以人地咁搽你又咁搽架~
阿SIR 仲教我地搽SHADING 既揸掃方法，要用手指去夾開個掃, 令佢散開D
咁樣就唔會搽左一PAT 特別深既係度啦~  而鼻樑梗係要搽啦, (鬼叫我地無鬼妹咁高鼻咩)
但記得要係由眉頭開始搽落去, 將眉頭連埋
咁樣, 你既SHADING 會自然~
跟住, 當然就係畫眉啦~
呢個係我既死穴，成日會越畫越粗,變左黃小虎~
不過, 今日阿SIR 一句點醒左我
"畫眉唔好跟住你自己原本條眉黎畫"
每個人既面無可能100%對稱，好多時會一邊眉高, 一邊眉低，
而畫眉是要去改變, 而唔係跟從~ 你有冇醒到？
當然, 如果用全黑色, 會令你條眉好硬, 好奇怪
所以, 我地可以加少少眉GEL 去中和~
咁樣, 就可以令到你條眉變得自然啦~
仲有, 記得條眉襯番你既頭髮呀
如果你一頭紅髲, 但畫一條黑黑既眉，自己想像下出黎既效果係點啦~ 當然, 講同做係2回事
左邊, 係我既錯手, 右邊係阿SIR既示範
睇黎, 雖然我醒左, 但都要練習多D先得~ 
終於到眼妝啦,
因為今日呢個係淡妝, 所以我地只會畫內眼線
而EYE SHADOW, 都只會畫係雙眼皮內~
簡單幾筆,右眼既CHERRIE 係咪 SHARP 過左眼既CHERRIE 好多呢~ 之後就係夾夾夾, 呢D 好個人，我用慣鐵夾，而阿SIR 就用慣膠夾
因為膠夾無咁重, 唔會有折角既情況~
原來搽MASCARA 可以打直搽, 咁樣, 就條條毛都沾到MASCARA 啦~
如果大家戴假毛時, 可以咁樣一按, 令假同真痴埋, 唔會有兩層毛~
呢個係阿SIR 既私人法寶, 用黎搽唇膏前打底一流~
搽胭脂同SHADING 都係一樣, 要按扁個掃，令D色散D, 自然D
當然, 搽係面中間, 會令你有少女蘋果肌既效果~ 即刻YOUNG 哂~! 呢個就係完妝後既我~ (素顏？不記得就算啦~ ) 唔會好誇，但成個人好精神~
上完呢個化妝班, 令我對化妝有另一番既體會
阿SIR 教既化妝方法同我以前一貫既手法好唔同~
唔怪得我以前成日覺得自己個妝好勁, 但又唔知點解 (明明都唔係搽好多野)
原來我好多方法同落色位都錯左~
未上過堂, 真係唔知原來自己咁井底~
阿SIR 教左好多野, 我都寫唔得哂~真係要親身去上個堂先知~
如果大家對化妝有興趣, 可以去睇下 C. Long 既BLOG
|
