一提起官塘, 大家都只會想到工廠，舊樓, 新移民, 低下階層
但隨著APM的進駐，工廈的遂漸翻新，很多新的大廈,酒店建成，官塘已面目全非
以前大家想搵地方食飯, 一定唔會諗起官塘
但其實,官塘的飲食文化已在靜靜地起革命
今日, 就深入到鴻圖道, 找到了它~
PB CAFE
一個開業數個月既新餐廳~
這個以半開放式的餐廳，提供西式美食, 仲會有HAPPY HOUR
睇下個吧頭幾架勢就知啦~
呢度既餐廳負責人很愛外國的BAND SOUND發燒友
整晚不停播放外國的BAND SHOW, 有得聽, 仲有得睇~
坐位以傳統西式餐廳設計，實而不華~
亦可選擇另一邊一排的梳化位
不過地方的確有點兒淺窄, 好彩當晚人不太多。如果FULL HOUSE時就有可能有D迫了~
仲有2個朋友未到, 先食D小食
FISH & CHIP, D魚柳實在太滑, 超正, 好味到唔記得左影相~
雞翼，少少脆的面, 其實唔使沾槳都已好好味~
前菜
三文魚多士,已見真章, 靚到呢~
MIX左少少SOURCE 的三文魚 加埋塊脆多士，真係好靚呀~
第二道~
鵝肝~
大塊到呢
面脆內軟, D油流左出黎, 真係超好味~ 好想再ENCORE,
我會因為呢塊鵝肝而再黎~
呢個唔係雜菜, 其實係PIZZA 黎~
真身係一塊正方型的PIZZA, 中西合壁, 但又超夾，我食左兩塊~ 
MAIN COURSE
肥牛大姑大蝦卷~(我其實唔知咩乜名, 自己幫佢改的~  )
成朵花咁, 真係靚到唔捨得食~
花下面既係MIX左雜菜既薯仔餅, 另一驚喜
不單吸收左肥牛既汁, 仲脆脆地又淋淋地~讚~
大蝦亦都非常爽口, 煎得勁香~
呢個係三文魚扒, 因為離我太遠, 唔記得左食~
係朋友SEND番張相俾我先知有道菜~ 
見到賣相, 都已經覺得正~
意粉, 看似簡單, 但味道好好, 個SOURCE好CREAMY~
今晚既甜品, 又係另一驚喜
開頭以為一樣, 只係TOPPING 唔同, 但食落先知完來呢度已經有三種唔同既野~
有BUDDING, 有奶凍咁(其實都係估) 仲有一個真係唔知咩~
尤愛個BUDDING, 超滑超好味, 下次一定要再叫~
今晚既晚餐因為係大廚出馬, 所以我地只係坐係度等食
D餸要拎到上黎先知係咩
所以超多驚喜。
點解D餸D靚，因為大廚曾經是某酒店既大廚黎，所以D菜式都係以酒店為藍本
其實除左呢D TAILOR MAKE 外，呢度都有SET DINNER, 百多元一個
可能因為工廠區, 夜晚人流不多
以百多元的就食到酒店級數既晚餐
真係超抵~
最正係, 無咩人, 可以慢慢嘆~
|
