第一次去紅磡嘉里酒店既food court 「Dockyard百味村」, 即刻鐘意左呢度
人流唔多，環境寧靜
無敵海景，日與夜都別有一番風味
依家天氣涼涼地， 坐系outside 食飯， 超級爽。
室內仲有一個game corner，有鏢機， 桌球枱同足球枱，
我仲見到有人係度砌PUZZLE，做功課~
黎呢度食下玩下，真係可以hea足一日 。
最重要系呢度既食物價錢平．靚．正
今日食左呢間岩盤牛扒
牛扒既部位有好多選擇， 仲要放哂出黎俾你揀
連份量都有得揀。加30蚊 仲可以upgrade 做套餐，跟多3款野。 有飯，沙律，飲品等等揀⋯⋯
岩盤即係石燒。 將牛扒放在燒熱的石上， 由客人自己控制煮到幾成熟
呢度既岩盤雖然細細塊，但熱力非常足夠
今次揀左草飼牛西冷，極有厚度。邊上帶有非常厚的脂肪，入口很有牛肉的質感。配上蒜蓉及自家制燒肉汁，非常惹味
值得讚下跟餐的沙律，飯同飲品都好有質素。
白飯是日本珍珠米， 煙靭有飯味
沙津份量勁多， 唔系求其俾幾塊菜個種
跟餐的飲品都系日本飲品， 今次揀左柚子檸檬，酸酸甜甜，非常開胃。
以百幾蚊食到呢個質素，非常超值
|
