今日又要返學啦! 仲要操陸運會添...... 7點就返到學校啦! 

  kiki 今日好好彩呀! 冇帶中史書 & 筆記簿 俾賀老師罵左一句就冇野啦! 仲唔駛背書添呀! ......

  放學三個制服團體一齊操呀! 有一次，衰左添。^^

  最後同Miss Ip 一齊行去新城市loo...... @@ 7點幾先返到屋企

  今日返左教會呀! 今日係服侍小組- 委員會。不過下個禮拜仲要1:00 - 3:00 為七月中嘅camp 開會添呀! 個lunch 都冇埋...... 不過算啦! 我地委員會嘅責任都係呢d啦!!! 今次仲要叫埋新朋友 or d 六年級 就黎升中一嗰d @.@

  今日又去醫院loo...... 睇返由1996年就開始睇我嗰個醫生 好有親切感咖!!! ~.~   

  跟住下午就去左學琴啦! 今日當然覆到琴啦! ^^

  夜晚照例去左打羽毛球啦! 今日打到成11點鮮走呀! 鄭sir ... 哈哈! 進步左吧! 我真係估唔到我同你可以打到 3>2 喎! @.@   好出奇吧! 我都估唔到你原來係咁勁咖喎! F.3 鮮開始學羽毛球，2年之後可以入到青年軍 & 1年後到就可以打港隊...... 雖然你只係幫譚sir 手教...... 哈哈! 勁喎!

  今日一朝早就俾阿婆 叫醒左啦! 明明買左10鍾嘅船票，佢7點幾就叫醒左我，佢話要搭9點鍾班船走...... HELP!!!

  去到碼頭 9點都未到，8:45已經上左船loo...... 好眼瞓呀!

  10:45 就返到屋企啦! 真係瞓落張梳化到都好舒服啦! 因為太累嘅關係......

  練埋琴之後，就開始籌備我地小學同學嘅 "2007 summer camp" loo...... 年年都係我搞......好彩有人俾我點啫!  (當然唔包括女仔啦! )

  今日最後成績: 6個人會去 & 3個人考慮緊 & 3個人打唔通/ 唔喺屋企 ~ 真係要努力d啦! ~

  好期待呀! 真係好掛住佢地添! ^^

  今日到左澳門啦!  見到表姐好開心呀!!! @.@ ~最衰佢地要返學啦...... ，都冇得盡慶......~

  不過我到暑假就會好羨慕佢咖啦! 佢6月12日就開始放啦!!!

  今日都冇做到d咩... 睇下書、練琴...... 咁啦!

  表姐17:00 鮮返! 佢練琴已經練1:30 鍾 loo...... 佢嘅水準已經同8級、演奏級 差唔多 loo... 起碼勁過劉浩霖... (MISS SO 一定好鍾意佢!)   佢其實只係大我 3個月...... (有少少自悲 添...) ^^ 不過 I KNOW THAT 呢d 係效刻苦努力 練返黎嘅......

  好彩佢唔會係d 囂張嘅人啫! 好nice 咖! ><"

  不過我都要努力d鮮得啦!!!