今日朝早去北角跳舞, 真係唔好受, 響個度冇一個朋友係同我傾得埋, 全部都係見面打個招呼的人, 我真係好唔開心, 冇人同我傾計, 我真係好寂寞呀, 搵人救下我啦, 我好辛苦呀, 宜家每個禮拜六都要去北角跳, 唔好啦!
入到去課室, 連續跳左幾個動作, 真係好累, 琴日已經打左badminton, 所以宜家手手腳腳都超痛的, 有一個動作係好難, 我做極都唔岩, 個陣我個心一d都唔好受, 點解人地做倒, 而我就做唔倒呢? 我真係好憎自己, 好嬲我自己呀! 跟住仲要俾Miss.Chow話左我一大餐, 我真係好辛苦呀, 我以後都唔想再響北角跳啦, 不過我知道呢個係冇可能發生....我一定要面對現實, 努力向前~~~

相反, 響荃灣跳反而開心好多, 有人同我傾計, 荃灣d老師我又比較了解, 例如邊個乞人憎, 邊個對學生仁慈, 邊個勁好人, 我統統都知道曬! 今日朝早已經勁唔開心啦, 希望陣間唔好再俾人話, 唔好再俾人疾, 有人逗番我開心, 就好啦, 唔知邊個會係呢個人呢?