今日11:30放學, 唸住返屋企, 突然間兩點唸起要大姐姐面試, 差d唔記得, 好彩~話說今日大姐姐面試.....

我班的讀書皇, 我真係頂佢唔順,
佢又有得做大姐姐,
未開始的時候, 佢不停響度自言自語, 係度pratice緊一陣間點樣講,
其實佢使乜禁緊張? 都係求其一組人圍埋一齊, 講下日常生活的趣事, 再問下你點解你想做大姐姐~
Easy job 啦~呢d野一d都難唔倒我~
佢分享的時候, 不停係咁講, 雞啄唔斷~攪到人地冇得講
又唔係冇得講, 只不過有d急~
如果唔係佢, 我地都唔使3:10先走得!~ 明明講好話3:00走得人~
你知唔知佢講乜? 佢話....
''我好鐘意讀書啦~我覺得讀書好開心, 就算係係屋企溫書都係....''
''有時我會覺得好緊張, 好似宜家咁, 我就好緊張7月10日晚上有冇得去羅獎''
第2句可以睇得出佢係恨獎恨到出曬汁
佢講緊個陣我真係想揍佢一下~
使唔使咁? 響度曬命~ 我一個獎都冇, 咁我係唔係要死?
佢一定讀書讀到 din din地 ~神經病!!!!