今日上完英交,要三點先有堂,

一時興起,班人就提議去唱K,

一眾附和,所以就一大班人去左屯門Neway,

有成十幾人,攞左間大房,場面都幾混亂,

有人點餐,有人點歌,有人去洗手間,

搞完一大輪,開始坐底唱歌,

一係唔唱,一唱先發現原來個個卧虎藏龍,

安安d高音無得彈,Stephy d歌無一首難到佢,

男歌王湯國軒,李克勤、吳浩康、梁漢文...等等

幾乎所有男歌手d歌佢都無問題,而且音準度高,

最爆炸既當然就係態度啦~

佢唱譚校長d歌,真係同真人唱既無分別咁滯,

連個喉嚨震既幅度都十足十,真係估佢唔到!!!

唱到三點,唔夠彊唔返,同阿沈、MC等一行女仔閃先,

淨底威E同一眾男生留守,

我地飛的返去,三點半,好彩阿Sir好人士,無講咩,

等埋我地先開始教野,(好驚俾阿sir鬧,因為佢知道我地去左唱k)

最後威E同幾個男生都無返,(翌日知道,佢地後續去左碌ling)

有驚無險既一日,不過荷包大出血。