愛情真係呢個世界上最複雜既課題,

佢無課本,無教學,無公式,無邏輯,無人數上限,無時間限制,

佢淨係講感覺,時機,

同時佢會帶黎雀躍、忐忑、喜悅、煩惱、快樂、痛苦、笑容、眼淚,

個個令你煩惱既人只會令你更煩惱,但你放唔開手;

個個你苦苦等候既人,你明知佢唔會回頭,但你一直係佢背後;

個個你想拖住佢既人一直係你面前,但你開唔到口;

你知道應該離開,但係行兩步又忍唔住回首;

你知道應該行多步去追求,但係卻步係十字路口;

有陣時你以為既定局,只不過係因為你未做個個決定,

行前退後可以係改變大局,但唔行只會困係一個殘局。