今日睇左《森美小儀歌劇團-阿卡比槍擊事件》既舞台劇,

正如上一次既舞台劇一樣,今次都帶出左一D信訊,

想講既係科技同人與人之間既關係,

隨住科技進步,人既生活更方便,

而電話既發明,更可以話係科技發明上既一大成就,

廣告都話,即使相隔千里,但只要一機在手,

距離再遠都唔成問題,

但劇中帶出左一個值得深思既問題,

就係,手提電話真係拉近左人與人既距離,

定係令大家相隔更遠?

我咁講係因為,有左手提電話,

隨時都可以搵到對方(除左無開機),

反而令大家更放心走得更遠;

有左手提電話,聯絡方便左,更加唔需要成日見面,

唔需要為左想聽對方的把聲而見面,

傾手提電話個陣,一D深情既說話湧上口邊,

但又講唔出口,隔住電話對方都睇唔見你既掙扎,

最後都係會放棄,如果面對面就唔同啦,

因為無其他障礙,唔需要考慮咁多,

所以情話都容易講出口,而且仲可以即時見效;

另外就係SMS,好多時都會收到SMS,

但絕大多數都係人地不停咁Forward而得黎既,

呢D俗稱罐頭短訊,方便簡單,一開即食,

試問有幾多人真係會打幾十字既SMS呃?

甚至你找到情人既短訊,都唔知係對方親手輸入,

只得你有既,定係人地Forward俾佢,佢見啱洗再順手SD俾你,

分分鐘佢唔止SD俾你一個,呢D所謂既情話,信得幾多?

好多時,一個SMS都及唔上你親手寫既一句問候,

如果而家仲收到手寫情信既人(真心個D),

你地應該興幸,仲有人願意親手煮一餐繁複且費神既飯俾你地食,

而唔係個D得個招紙望落好好味,實際無咩材料又冰冷既罐頭食品,

講地底,手提電話係好係壞大家都心中有數,

始終人與人既相處同溝通係要用心,有觸覺、有實體、有溫度,

其他都只係輔助工具。

=========================================

接吻魚出生是為了接吻，死亡也是為了接吻。

左很可愛，右很可愛，一個人可以有幾多愛？