開學以黎,已經過左11日,

如果會考係一個戰場,

咁我地而家就係上戰場前最後既操練階段,

有D人已經係備戰狀態,亦有D人仲完全係狀況之外,

我唔知自己可唔可以係呢場戰役中生還,

但係,係人生既戰役中,我已經輸左一次...

上幾日,青蛙王突然問我,有無後悔Drop左PTH,

自從Drop左之後,我都無問過自己呢個問題,

當下,我都問自己有無後悔,潛意識既答案係無。

曾經睇過一本書話,係突如其來既情況下,

人既身體同意識所作出既反應都係最真實反映個個人既內心思想,

而經過深思熟慮既動作,反而會被思想同現實所限制,

但人係一種群居既物種,只要一日生存,一日都要被世俗束縛,

無辦法可以完全自由,而靈魂中最真實既一面,

永遠都只可以隱藏係現實之後,就好似一場全球性既化妝舞會,

最真實既我同你,都只可以係面具之下,被現實掩蓋。