今日要考中文Oral,呢d野主要都係睇臨場發揮,

所以無咩點溫,平常心啦~~

阿聶考5點,我考6點半,但4點9就同佢去到考場,

佢上左考室,我就唯有坐個半鐘~

高興既係,坐坐下同隔離個個女仔開始傾偈,

原本以為佢都係考生,傾落先知佢已經係大學生,住荃灣,叫Tracy,

佢係度等表妹,既然大家都係等,就慢慢傾起上黎,

我地傾左新學制、大學學科、暑期工、暑期活動、艷照門事件、電影、歌曲、

舞台劇、港台藝人(余文樂、五月天、林海峰、吳克群、S.H.E...etc)、連緣份命理都講埋,

傾晒個1個半鐘頭,好似有人傾偈,如果唔係真係好難過d時間,So lucky!!!

 (入夜的S401-402考場)

我考到7點半就走得,不過都等埋阿甘(上樓個陣見到佢),

8點阿甘落到黎,一起走,入到輕鐵,有人hi我,

我望左兩眼先認出個個係蕭遙,雖然之後係Supermarket都見過,

但因為佢實在高左太多,認唔出,原來佢同我同一間學校考,已經一早就見到我,

車程中,我地傾左近況同小學d野,當中都收到d有用既消息,

當中包括Marco Polo d野都幾好食,而且有好多靚仔外國侍應,(因為佢曾經係個度代過2日班)

係西鐵站,大家就分左手,舊同學偶遇勾起好多以前既回憶,

不禁又要緬懷一下過去...............