今天有幸看到Miss Wong的婚紗相(影樓的那種),

那本相簿是厚厚的,皮革外套的那種,

是在台灣拍的,

那些相片都很漂亮,

Miss Wong在不同的婚紗、造型和背景都很美,

想不到在台灣拍的婚紗相也如此高質素~

若果可以,我就把它們拍下來,

讓大家看看~

@@@@@@@@@@@@@@@@@@@@

                    月影有更新

@@@@@@@@@@@@@@@@@@@@

今天下午和日與夕到了屯門醫院探望阿Wings,

去到才知道他今天要做手術,

我們去到的時候,他還未回到病房,

於是我們只好在病房門外等候,

在等候的時間,

我們看見一位婦人在走廊上哭泣,

從他與家人的對話中,

我們知道他的女兒雙腳的傷口化膿並發燒,

婦人因擔心女兒的性命既哭泣,

我們看見也覺得心裡悶悶的,

日拿著紙巾遞了給婦人,

我們知道,除了這樣我們沒有辦法可以幫他,

其間也看到不少的病患進進出出,

有年老的,年青的,四肢健在的,失去一條腿的,

看在我們的眼裡,有著無限的嘆息,

比起一些人,我們還有青春、時間,

有健全的四肢,愛護自己的家人,

我們算是世上幸福的一群,

應該好好珍惜我們現在擁有的一切~

醫院從來都是一個把生死表現得最真切的地方,

有新生的喜悅,也有死亡的悲傷;

五點半來到醫院,

等到差不多六點,我們在走廊上碰上Wings的爸爸,

他是一個很樂觀而且風趣的人,

後來Wings的阿姨也來了,

可是Wings還未從手術室出來,

我們本來打算等到六點半就走,

拖著拖著就等到七點,再拖了十五分鐘,

真的非走不可,和Wings的爸和阿姨說了再見,

才剛走了幾步,Wings就被送回來了,

我們真的被氣死,等了差不多兩小時也沒有等到,

卻在要走時才出來,早知道就一早走,說不定會早點出來呢!

剛上來的Wings麻醉藥剛過,有點不適,

所以我們說了幾句也就離開了,

回到家八點,吃了飯,再洗澡,做功課,打日記,

現在十一點半,我要睡了~~

希望Wings早點康復,沒有了他的笑聲,還真有點沉悶~~

==================================

你們今日所看到的我,

是成長了的我,

而且是在剛過去的一個月才成長的我,

在這之前,我並沒有你們所想的堅強和豁達。

==================================

日誌開左一段日子,

唔知有邊d人上過黎,

今次就麻煩大家簽一簽到,

等我知道有邊d人係度,

而且當我改密碼既時候就知道需要通知邊d人,

麻煩晒~~~

(大家只需在此篇日誌內,按下訪客留言,

鍵入可作識別其身份的文字或名字即可。)

截止日期: 15/11/2006

今日係Miss Wong既大日子,

終於係2006年10月14日結束左佢既愛情長跑,

成為盧太太啦!!!

2點20分,

我地黎到沙田大會堂地下既婚姻註冊署門口,

首先見到賴賴佢地,

然後佢地話俾我地知Miss Wong係邊,

行埋去就見到十零人圍左係度影相,

我地都唔執輸,影左好多相,

可惜新郎哥好似唔多熱衷於同我地影相,

不過Miss Wong都笑得好開心幸福,

希望佢以後都可以咁幸福快樂!!!

3點15分,一對新人同各自既父母親友入註冊署簽字,

我地唯有係出面等,

期間食左黃媽媽親手整既小食,(so sweet^3^)

成為左盧太太的Miss Wong同我地一大棚人係樓梯度影大合照,

之後都分別同親友學生影左d相,

再黎就係拋花球,伴娘無接到,

直落華子手中,(充滿幸福的花球)

4點幾,Miss Wong要準備去酒店(位於馬鞍山),

我、綺婷、阿Bi同大佬B一齊走,

途中去左麥記食左d野,

再搭269D走,

我地四個係度大聲講大聲笑,

唔知有無俾人聽到呢?(因為後面有班低From既學生[LKT的])

因為係不可告人既秘密,

我係唔會話俾你知架~~

只有我地四個知~~~

Wakaka...............

♥穿上婚紗既Miss Wong,笑得好幸福呀!!!

♥誠心許願既Mrs Lo(幸福>0<)

♥接到花球既華子~(會是下一個新娘嗎?)

♥與幸福的Mrs Lo既合照

其他相已經陸續放左上月影(因為太大post唔到上黎),

有興趣可以上去睇~~^0^