今天，我完成左一件Ｃ級任務。

朝頭早，我阿婆係順德落嚟。

下就三點，阿婆話要落街行吓，

我叫佢唔好一個人自己去，但係佢係都話自己一個人識路，

咁佢就去左lo，但去左好耐都未返，

到左五點左右，佢都仲未返嚟，

咁我就心唸：今次大鑊la！佢肯定擋失路！

都成八十幾歲人啦！

咁我阿媽叫我出去搵下佢。

我首先係屋企樓下打個圈，唸住有機會撞到佢，

但係世事邊有咁簡單丫？

我就唸：佢會唔會去咗青洲木屋區買餸呢？

咁就行左去逐條逐條巷仔咁搵，點知又搵唔到。

咁我就唸佢最可能係去左青洲舖頭，

我就急急腳由木屋走入青洲，

去到舖頭，又唔見人，

咁我就轉去可樂廠個邊搵佢la，

圍住青洲山走左一圈，都唔見人，

我唸：今次真真真係超大鑊la！我仲可以去邊到搵佢丫？

經過ＣＥＭ，去到批發市場，再穿過馬路，走入條路仔，

我唸住再去台山坊會附近再搵搵佢。

我望實前面條路，再睇吓個時間，

已經差唔多六點，我阿媽要去開工la。

再望返條路，有個人拐下拐下咁係我前面行緊，

”唉，仲唔俾我搵到你！”

打探下佢去咗邊，佢話佢由鴨涌河個條路一直行去批發市場，

唸住入青洲（果然冇估錯！），但點知唔記得咗點行（佢上年有行過）！

算了，個人冇事就得啦！

呢個任務一個鐘頭就完成咗，我覺得全靠好彩！

阿婆，第日唔好再俾人羞辱了！