終於正式踏入2011。



冇咩野，生活咪又係要咁過！

永遠都有好多野好多野，會令你勞神、費心、失眠。

有時候，係外來野直接令到你心神不寧，繼而情緒低落；

有時候，並非外來野直接搞到你不能安定，而係經過你嘅胡思亂想之下，係體內自生成一種能令人神經質嘅病毒；

有時候，只係自己胡思亂想，就已經可以令自己全副精神都崩潰。

最後一種情況我覺得係最慘......

可惜，我而家係被三種情況一齊折磨。

溝通，真係好重要。

睇到我呢篇野嘅朋友，你地一日之中又花左幾多時間係同人溝通上面呢？

到左而家，我先醒覺，原來自己以前一直都缺乏同人地精神／情感交流，

所以我先會覺得孤單與寂寞。

但要同人建立交流嘅渠道又真係幾花時間同精神下。

由其是係同一D與自己唔同性別嘅人果時。

不過過程係enjoy嘅！

「人單獨不好」上帝呢句說話真係講得好岩。「我要給他造個與他相稱的助手。」

上帝，你拿我一條肋骨去造一個與我相稱嘅助手吧！

「上主天主用塵土造了各種野獸和天空中的各種飛鳥，都引到人面前，看他怎樣起名；

凡人給生物起的名字，就成了那生物的名字。人遂給各種畜牲、天空中的各種飛鳥和各種野獸起了名字；

但他沒有找著一個與自己相稱的助手。上主天主遂使人熟睡，

當他睡著了，就取出了他的一根肋骨，再用肉補滿原處。」（創2: 18 - 25）

雖然我唔係基督徒，但有時出自智慧口中嘅說話又真係幾岩。

寫到呢度，連自己都覺得個調子好灰。

成日都係呢度自怨自艾，

到左現實生活，又係事事不如己意。

講多冇謂，行動最實際，

始終命運嘅開拓係靠雙手，而唔係靠把口。

網絡對交流黎講真係好方便，又Facebook，又MSN，諸如此類……

但我發覺，始終都係古老或者原始嘅方法最有意思。

你試唸下，親身面對面咁同人傾計，完全明白哂對方嘅情緒狀況，

語句之間又有自然嘅語氣，加上時不時嘅眼神接觸……

個感覺係最舒服、最有親切感，兼且非常神奇。

退而求其次，用電話，雖然係睇唔到對方（我講緊2G），

但都可以親耳聽到對方嘅聲音，

又可以留自己一個想像嘅空間。

真係好正~

今年係中華民國建國一百週年，

但請僅記：革命尚未成功，同志仍需努力。

呢個革命係包括埋自我嘅革命同埋社會嘅革新！

話又說到這，祝各位新一年食得安樂、玩得安樂、訓得安樂、相處得安樂、活得安樂。

真ga，安樂係好重要！　＃