琴日去咗少年感化院參觀，就係澳門監獄隔離ｊａ！

我地去到果度之後，又覺得冇乜野ａ，都唔似好恐怖ａ

等負責人介紹完之後，佢就帶我地實地考察：

首先，佢帶我地去參觀吓佢地嘅”觀察中心”，

入面有幾間房，係單人的，都幾大吓，

不過就有個閉露電視影住，做咩都俾人見到晒，冇晒自由

跟住我地就去”教管訓練中心”參觀，呢個地方係專門管ｄ最壞嘅青少年，

首先我地去宿舍睇吓，佢地除咗最私人嘅野之外真係咩都唔俾帶入去ｇａ！

感化院仲俾我地去實地體驗一下佢地嘅生活添！但係名額只有２個，

我地係未實地參觀之前已經內定咗兩個人出嚟，就係范班長同阿大口敏ｌａ（佢地要爭崩頭先有機會）

要所謂體驗就係限定範圍內坐係張椅度１５分鐘

（我之後問番大口敏有咩感覺，佢話一個人坐係間房度好寂寞，仲有聽到ｄ滴水聲覺得好恐怖）

而我地其餘嘅就去體驗”步操”！

由於我參加過軍訓，可能比起其他人稍為好少少，所以阿ｓｉｒ就叫咗我出嚟做示範，

我都算係不過不失咁ｌａ！

到呢一刻參觀行程好順利咁完成咗，而我地仲有寫紙條勉勵佢地ｔｉｍ（我地由此至終都冇見到佢地，因為如果見到就係犯法！）

我寫咗”請珍惜自己的榮譽！惜節者君子也！”希望佢地能夠重新做人ｌａ！

下面係我係門前嘅留影