朝早6點半就比鬧鐘嘈醒左. 繼續訓啦. 6點10度終於醒到.

7點開始打比你啦. 7點半度終於打通lu. 咁我自己都起身啦.

著番件校服. 睇唔慣. 搞下搞下八點幾就出門接你.

搭正八點半番到學校. 行前門都見到侯sir. 又比佢叫左過去.

好似靜系比佢話我頭髮長左D' 係d. 哈

行上五樓. 三樓升五樓. 一升升咁高. 行死.

入到去. 無個識. 真. 上年同班ge男得洪培琦依家同我同班.

見到佢同B哥坐埋一齊. 咁我就真系無個熟啦.

坐呀坐. 沙沙入左黎. 就系度講佢戈d野.

終於高中. 覺得時間真系過得好快. 自己都未長大.

仲有三年就大學. 依年開始要努力. 唔可以學上年咁玩玩下.

見到本歷史習作成本書咁厚. 就知今年注定系最苦ge一年.

落左堂. 出到走廊. 成層得兩間課室. 好空虛. 自己一個入到廁所.

見到余咀雞超佢地. 係度話我黑. 好想變番白. 之前去南灣練艇都無曬得好黑.

8月28.29.31. 3日都系黑沙過. 想唔黑都有d難度.

去完廁所. 番番課堂. 唉. 無個識. 對面班識戈d又走曬去樓上.

之後見到丫耀佢地. 終於見到個熟. 幾開心. 跟住佢地一齊上去啦. 探波佳.

一見到波佳個樣好似殘左幾年咁. 之後上堂就落番去.

調位. 隔黎戈個又系唔識ge. 好似tina系後面. 都算識.

同隔黎戈個握個手. 講下點稱呼又識埋.

10點半度. 沙沙竟然無咩野講就放學. 好.

好多書攞. 等埋你就走啦. 行到你屋企樓下. 你話無帶鎖匙.

咁陪你去坐下啦. 坐到一點度. 你終於有屋企番啦. 我番到屋企都食左個飯先.

上下網咁. 見到838比左改左做853. 成班高層又Ban人. 又del帖. 唉

唉丫紫都比人炒埋. ban左. 班高層係咪有錢得制咁中意玩. 買個壇番黎就系為左Ban人Del帖.

完全唔面對現實. 仲衰過d潮童.

3點度sd個msg比你. 見你係新馬路. 咁就廢時吹你啦. 話睇下你幾點番到黎就陪我出去.

等到5點度. 你都仲未番黎. 個身開始有d熱. 個頭有d暈. 就訓左.

訓到8點度. 媽咪就叫醒我. 係度問我有冇發燒咁. 幫我探下熱.

多謝丫爸丫媽. 多謝你地咁關心我.

食左飯. 依家仲攰攰地. 希望無病到啦. 聽日就正式番學.

好多好沈重ge壓力. 好快又測驗. 希望今年過得快d. 個腦記野記熟d.

d英文希望自己有一d新ge進步.