好，現在開始吧！
我希望你有耐性，因為今次打得好長。
因為一直將呢D說話收埋左係心好耐。

我係一個重感情的人，
你對我好，我一定記得，
而且我會比你對我更好。

以前你成日就我，
我要求的你，你點都會盡力做好。
甚少說"不"。
你做錯事的時候，
會講對唔住，哄我都好有耐性。
真係好好好好。

雖然我呢個人唔係好好，
但我可以肯定我一直有進步，有改緊。
就算個幅度係好小。
比以前小左發脾氣，小左突然的激動。

我唔知點講好，可能係我衰。
我總係覺得你對我愈來愈差…
對唔住，原諒我講得咁直…
呢D只係我的感受，我好想你可以知道。

我嬲個陣，無錯，你係會哄；
不過過多個５分鍾後，
你就會好嬲，嬲返我轉頭。
我要花更多時間黎哄返黎…
甚至你會一個人行好快，完全唔理我。
如果我唔跟住你，後果不堪入目。
比以前少左D心思同耐性…

另外，
依家錯的永遠都係我。
希望你依家心裡面唔好博我住…
可能錯的源頭真係係我到，
但有時真係唔係我一個人錯曬GA MA,,>/\<"
如果係我錯，我一定會認，
會同你講對唔住…
但同時間，你唔會承認你的錯，
點都會將錯放係我身上。
得你講永遠無我講…

你答應我的事，
好似已經不能兌現。
仲記得你以前話，
答應人之前一定會諗過自己做唔做到。
如果答應左人地，
就一定要做到。
但你依家已經唔係啦，
好多野你都係答應住我先，
跟住到最後都係做唔到…

我真係好唔開心，
雖然呢D只係小事。
但累積起黎，心傷心灰…

最最最唔開心的係，
"分手"總係好容易係你口說出。
我真係好珍惜我地的感情，
一起左２年幾啦，
雖然唔係長，但已經係我最長的紀錄。
我唔想咁易就散，
唔想咁易就放棄(呢個係你當初教我的,,唔知你仲記唔記得)
但你只要發生一D好小GE事，
就會提出，我真係心都沈埋落黎…

當然，(俾D耐性睇埋呢段呀,,雖然你一定係唔鍾意睇呢段,,,唔該你呀)
神係我心目中好重要…
佢係我唯一的救主，我好肯定我唔會放棄神！
因為我經歷過神，我知道神好愛我好鍚我！
所以無論係任何一個人都唔會影響的對神個份"信"！
以前你會陪我返教會，
陪我參加活動…
個陣我地一齊係教會到成長，
真係好幸福好幸福，個段時間我好開心。
但依家你已經唔信神，離開左神…
每一次我叫你返教會，
每一次我叫你參加活動，
你都會拒絕我。
我的心情就好似神咁，一樣傷心痛哭。
就好似好耐以前你同我一齊去灣仔聽的唯一一個佈道會…
（你個陣仲話會同我聽更多佈道會，仲有我地D細路仔一家人）
我同神一直等你返黎，等你返黎神的家…
為你祈禱，希望有一日你會回心轉意。
如果你真係唔信唔想返唔想參加，
我依家真係無迫你，
但我希望你唔好唔俾我親近神，
呢個係我唯一堅持的選擇。
其實唔怕同你講，
我心裡真係好想同你結婚，
但我一定係會等你同我有同一個信仰個陣先會答應。

我相信如果你係愛我的，
一定會重視我感受，
一定會鍚我，一定會改。
如果睇到呢到，你好嬲GE話，
可能你已經無想像中咁愛我。
因為我打的時候，真係含淚，
如果你無心痛的感覺，
咁就已經唔洗再多講…

分手好簡單，一句說話。
一齊卻好難，彼此相愛忍耐。

對唔住，
我真係忍左好耐，
我好想你知道……