今日朝早差D唔知醒，到左７點半先起身
 ，到左７點１０先出門口，仲差Ｄ遲左入禮堂早會，
早會過後就上Ｐ.Ｅ.堂，其實今日係Ｐ.Ｅ.堂要考試，所以都冇咩好講，ＰＥ堂過左之後既小息，
我同肥陞就去左買野飲，買完野飲之後擰轉個頭就見到老味（邱紫薇）佢地，佢地個個都拎住Ｄ野飲，
得佢一個冇野飲
 ，點不知‥‥老味就叫我請佢飲野
 ，咁樣我就係咁就請左佢飲野‥‥
上堂果陣我係咁同性奴（盧錦堂）玩，搞到我隻腳都整傷左，都冇乜心機係度聽書，食飯果時又遲左落堂喎，搞到遲左食飯，
仲搞到我鬼死咁肚餓，食完飯之後就同小弟（陳永成）同肥陞去左隔離個操場傾計，今日淫狗就冇返學啦，
所以我地好早就上左去課室，一入到課室就聽到Ｄ同學係度播ＣＤ，第一首我聽到係巴士阿叔既"殺科"，
隻歌係咁爆粗，我地半班都係度笑唔停口，第二首係陳以成Ｅ生既小明坐火車，一聽落去就覺得隻歌好低Ｂ，
之後仲有其他兒歌等等係咁播。
終於又無驚無險，又到放學既時間啦，可惜今日又要補化學，所以我地就到５點半先放，一放左學就去教員室搞Ｄ野，
一出黎到樓梯果度就見到ｗｉｎｎｅ，數學最高分果個（佢係女仔黎，但係成日係咁比我串既人，
真係佢講每一句野我都可以串到佢
 ，不過今日佢好似唔多開心咁，但係我都串到佢死死下，我都好無奈）
係學校門口，數學最高分果個就粒聲都唔出就閃左人啦，就剩返我同肥陞同埋ｗｉｎｎｅ，呀國良到左轉彎位就閃左人，
所以頭先我都冇乜點提佢，我地一路行一路係度講笑，我地就話佢條裙一拉開佢個拉鏈，周圍既人就死鬼晒（即係ｗｉｎｎｅ
佢本身個人都幾肥下）
，到左輕鐵站我就閃左人返屋企，到左屋企之後，我就梗係打機啦，但係見到抬上面張溫習時間表，
我個心就１５／１６啦，考試都就黎到啦，究竟溫唔溫書好呢，其實我都想溫書架，因為就到考試丫嘛，但係我又想打機喎，
都唔知點算好，最後，我打機既慾望戰勝溫書既念頭，真係悲哀
 ，依家我立定決心啦，星期六、日就溫書唔出街啦，
一係同班同學一齊去自修室溫書，今次既考試我一定要升到Ｆ．５呀∼∼∼∼∼∼∼∼
|
