今日一朝好早起身就返左學校啦，其實上早讀堂都幾悶
 ，上完早讀之後就上ＣＩＴ，上堂果陣我地就係度上網，
都冇乜點聽書，之後福恩佢開左個新論壇，叫我入去玩，我入左去之後申請會員，我改個會員名叫林福恩，玩死佢
 ，
上完ＣＩＴ堂之後，我、福恩、肥軒同俊威準備上樓梯果時見到欒ｓｉｒ，估唔到佢會叫我地落去食麵
 ，
佢叫我地係教員室等佢，我地係門口望住佢，以為佢玩野，放飛機！ｓｏ我地又準備走果時佢又突然殺出黎
 ，
於是我地就落左佢食麵，係行緊過去既途中，欒ｓｉｒ係度玩佢個銀包
，係度拋黎拋去，佢拋左３次，
得１次好成功咁接返
 ，其餘２次就跌左落地下，我係後面見佢成個既動作，真係好鬼抵死
，
買左４碗麵之後就一齊去左其中一張桌度食，我地５個人係度一邊食一邊搞爛ｇａｇ
，欒ｓｉｒ，我地識做架啦，
遲下ｆ．５班主任實投你一票既
，之後差唔多食到搭八，就上左返班房繼續上堂，上完兩堂就落去操場食飯，
食完飯之後就到左全方位活動，今次活動係要頒獎，係之前既十大最ｘｘ既選舉，我仲諗住我一定冇事姐
 ，
點知頒到最好脾氣獎，就見到我個名係個螢幕度，其實每一級只係搵個人上台拎獎，讀到最後冇讀我個名出黎，
仲以為我好彩唔洗上台添，點知台上個ｍｉｓｓ就話：哎呀！漏左１位同學未頒添。跟住就叫左我個名出黎
 ，
果時成個ｈａｌｌ既人都等緊我，我覺得好瘀皮
。
頒完獎之後到左３點半又係時間放學啦，上到課室之後又搞一輪野放學。
返到屋企之後，就開機黎打，打到７點左右，因為屋企未煮飯就出街食飯，食完飯想出商場門口果時，
就見到好大雨，真係大到難以想像，我地成家人就係果度呆左３個字，之後撞到１個朋友，
佢就話借傘比我地返屋企。真係好鬼死好彩，如果唔係我就會比ｄ雨淋死
。
|
