話說早兩日一大班人去了旺角宮崎燒肉食放題，收費都合理，兩小時連加一大概$262 。去到先講話有朋友生日月，都好爽快咁free我地汽水任飲！五個人坐大car位都坐得好舒適！跟住每人唔知點解來了每位一杯可樂，局飲，不過心唸係送嘅，就無要求咁多啦！

咁食放題，就指定動作梗係一坐低就狂點啦！咁攞住張order紙，唔係寫件數嘅，而係得一至四號俾人揀，咁我地一行五人，就懶醒咁tick1又tick4啦，唸住要5份啦，點知個侍應生來到就寸我問我咩意思，仲話如果要點多個4件，要另外畫另一張紙喎，我心唸咁加果點三文魚呢啲hot item個個起碼食5-6件，encore又幾件，咪寫好多張紙？因為第一round不知就裡，寫了4, 結果來得4件仲要件件細細件！點菜呢個方法真係唔知邊個唸出來嘅，超唔環保囉！！！加上賣相不討好，

唯有安慰啲朋友話呢度係食燒肉為主！

不過都有嘢係贊嘅，一來每人有一隻特大虎蝦，成隻手掌咁長，食落仲好鮮味！大家都好受落！而且當晚因為4位以上，仲加送原條鯛魚刺身！不過呢隻肉質較有咬口，我就麻麻地alright.....

咁啲食物陸續上枱啦，試左好多款，最值得推介係牛胸腹肉，肉質鮮嫩，牛味較濃，燒起來很快熟，咬落去雖然未算即溶，但口感都拍得住日本A3,就算過熟都問會難食！其他牛小排都ok啦，薄牛就好一般了。

仲有幾好味同新鮮嘅任食中蝦都應該要食嘅，本來都叫了帆立貝，但係叫了三轉，一粒都無送過來，原來無貨又唔出聲。

天婦羅同炸物不過不失，炸尤魚鬚太堅硬，差點咬磞我隻牙！而南瓜天婦羅超薄，朋友都笑說師傅好好功，竟然可以切到咁薄，不過我而家唸唸下覺得係用左刨機，因為唔單止南瓜，竟然連羊架都可以薄到得番0.7cm，燒完得番啲骨，啲肉太酥，仲要咸到好似含住海水咁，立刻吐了出來！掉了！

當晚仲燒了雞翅膀呀，多春魚呀，青口呀，菠蘿咁，一般水準，不值一提。

整體來說，邊燒邊吹水，時間過得太快，有點趕，唔係好燒得切，加上咁多人共用一個爐真係有啲迫，而且呢間食肆好有時間觀念嘅，準時一仲半小時前最後落單並且快速埋單，又強烈建議我們唔好再追加雞翅膀，話燒唔切，到最後十分鐘，又過來倒數，五分鐘又過來倒數，一夠鐘，立刻要我們起身走人，唔知以為佢高朋滿座，或人山人海有條龍等待，實情係仲有大把吉枱！

基於以上種種，下次都係book返大喜屋吧啦！

歡迎與我合作或邀請出席event

電郵地址：[email protected]

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>