話說有天去選購朋友的生日禮物時，去到anna sui 的櫃臺，唸住揀番支香水啦，咁等埋單知無聊唸起想找一支高coverage同遮毛孔的打底，咁順便幫佢睇下啦，見到有一少盒子，叫pore smoothing primer,一如品牌的作風，有點華麗feel，ba 姐姐話遮毛孔一級棒！
我試上手質感係好滑，不過好杰，簡直係難推，又難搽，而且得5gm成兩舊水，一點也不便宜，買支banalia都唔洗咁貴啦！正當我打退堂鼓嘅時候，ba姐姐（其實係妹妹，因為好明顯佢young我好多嘅，笑 ）立刻用佢隻手示範俾我睇，佢搽左喺拇指同食指中間嗰個好多褶的褶口，購到兩手相比之下，有用嗰邊好似真係淡紋好多喎。同埋佢都係輕輕搽左一層就效果幾好，就敗給她了，最終買了！
尋日同兩個妹妹食飯，剛好有帶，就跟她們分享了一下，給她們試了一次全面搽，兩個都嚷着要立刻去買，大呼好用！咁其實佢遮毛孔力真係晤錯嘅，啲鼻頭既lon lon都cover得好好。
影呢張相嗰陣已經用了兩塊面，因為一開始無唸過介紹佢，所以無影到一張全新相！係見好用就同大家分享下！
|
|
|
用之前，可清楚見到凹凸洞
|
到用上我塊面，我塊面超多孔，近看像月球表面，因為細個處理啲暗瘡處理得唔好，成日唧，又唔識護理，以為25歲之前真係唔洗理塊面，面霜從來晤搽，面膜更加唔洗講啦！所以攪到今日咁嘅田地......
好喇，講返個primer先，可以用手或或粉撲撲上面，用先印後推的手法較易容易控制份量和令primer依附在面上！初次用都覺得好難推開，用多兩次先稍稍掌握到！
不過雖然用起來好唔方便，同一般液體的primer真係天淵之別，不過效果亦都係好唔同，因為液體的通常只能做到控油或提亮呢啲基本效果，但令毛孔隱形就非呢啲膏質的primer不可了！當然，隱形就未致於，難以察覺呢個形容詞會恰當點。
薄薄一層，已經可以見到面上的折射有點不同，毛孔像被填滿了般變得不明顯，摸上手像有一層絲包裹住，質感滑溜非常！之後再如常化妝程序即可！
|
|
|
用完再上粉明顯平伏好多
|
|
|
|
呢張是數天前未買，厚化妝都遮晤到啲毛孔
|
我發現愈大粒毛孔愈好效果，可以做到難以看到。效果非常適合我，令我好滿意，無特別技巧，人人都做得到！
用嘅時候有淡淡的香氣，不過用起來感覺都幾阻礙毛孔呼吸，所以建議都係用在重點要遮的位置，儘量不要全面搽！而且之後的卸妝工夫不能馬虎，因為呢隻primer真係食得好實，所以最好用卸妝油並按摩超過一分鐘至為理想。
希望大家喜歡我今次的分享啦！
歡迎與我合作或邀請出席event
電郵地址：[email protected]
歡迎加入fanpage :https://www.facebook.com/Shadowcblog
my share platform:
<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>
<Lady Qooza><qooza beauty><weshare>
免責聲明：今次係我試食後/試用後的個人感受分享，大家應自己衡量產品是否適合自己的體質和千萬不要貪快服食/使用過量呀！有需要請請教專家意見，本人概不負責。
|
|
