濕疹好鍾意在呢啲轉季的日子就來找我麻煩，

尤其我的皮膚都算敏感，試過着件羊毛衫過敏，

全上半身出曬紅疹，試過用吸塵器，

吸塵器個吸咀不小心吮住左隻手，

唔夠一個鐘，隻手出現左一個由好多小紅疹圍出來的吸咀印，

之後仲有過敏反應，又嘔又暈，

率之要去醫院睇急症，打左支針，

好彩及早診療所以無事。

一向用開覺得好好用的沐浴露，

都因為而家啲膚質上的改變而變得不合用了，

從前，見到crabtree有沐浴油，

覺得匪夷所思，沖涼用油點沖呀，咁都乾淨嘅咩？

而家，漸漸開始明白，

原來人越大對滋潤的需求都會有所不同，無論係面部定身體！

當然，我仲未去到要用油來沖涼呢個楷段，

不過沐浴露如果唔夠滋潤，

晚上都好容易身痕，真係成晚未得好瞓，

再搽厚厚的cream都唔止痕。

後來聽朋友介紹我，

叫我用有黑糖成份的沐浴露合有幫助，

試左用過情況立刻有改善，

而家無咁容易有發作，

咁當然大前提是剌激的食物有忍口啦！

坊間有好多黑糖成份的沐浴露，

我自己揀左彩記嗰隻，一來平，

買嗰陣唸住買支平平地試下先，

點知原來已經好work,所以都keep住用！

不過初初用覺得佢個質感奇奇怪怪，

因為泵出來好似膠水咁，

啡色膠水，就咁用係無乜泡嘅，

要用沖涼波先可以有勁多泡。

用呢隻沖完涼感覺會好滋潤，

我男友膜過就嫌滑得制，勁唔爽，

咁當然，男仔用係會鍾意好爽嗰啲，

我用就覺得超good，

so far 都用左十支以上，所以介紹給大家！

有時如果有少少幾粒濕疹，有一隻藥膏都幾好，

就係特強無比膏，

即係平時用來搽蚊咬嗰啲呢，

大家留意下，原來佢寫明for濕疹都ok架。

我鍾意佢搽左好止痕，

因為我啲濕疹好鬼痕，

清醒嗰陣都忍到，

但瞓着了不自覺會去抓，抓破了也不自覺，

但是搽左無比膏感覺舒緩好多！

而且預防到我去抓，加上用佢定時搽，

早晚已經可以，大概三天可以好番！

咁當然，如果太大範圍，就應該要睇醫生啦！

記得係特強嗰隻，綠色嗰隻普通無比膏效不大架！

仲有濕疹患者要好注意飲食，

因為根據我個人體驗，

有幾種食物不宜多吃，

尤其發病期間更要介口，

例如：鴨鵝，乳鴿，皮蛋，花生，蕃薯，薯仔，牛肉，菠蘿，芒果，貝殼類，蝦蟹......，

同埋唔可以用太熱的水沖涼，有香料的lotion避用！

希望今次的分享對大家有幫助,大家一起遠離濕疹啦！

歡迎與我合作或邀請出席event

電郵地址：[email protected]

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>