山林道真是美食街，想食咩都滿足到我，今晚來吃串燒！

這間入口較隱蔽，要由巷口進入，一坐下就第一時間狂點啦！這裡上菜時間很快，不消一會，已經起了一大盤出來！

完全快手到無朋友！

牛舌都幾好食，牛舌處理得非常軟身，而且都幾香，用來佐酒一流~

芝士燒薯條一端上桌已經好香芝味，而且食落熱乎乎的，薯條和芝士配合得好好，不用沾茄汁都好好味。

燒茄子作為我至愛不得不食吧！但是我不小心點了魚香燒茄子，見到個辣字就撲了上去，睇不到原來是魚香製法，可惜我食不到，因為我不食豬，唯有將那些堆在茄子上足足1cm厚的豐富肉醬勃開！我唸如果食得應該幾好味，而且燒茄子加魚香肉醬呢個concept幾好呀！

好喇，咁我唔食得肉醬，食茄子only又覺得點呢？覺得燒得火喉控制幾好，而且茄子肉又嫩又滑，配上小小辣的味道，真是令人食到停不到口呢！

焗蠔都可以一試，厚厚的蒜泥鋪在蠔上，一啖咬下蠔汁和蒜泥融為一體，煞是滿足！

食完熱乎乎的焗蠔再來一客泰式虎蝦刺身有點冰火二重奏的感覺呢！泰汁頗辣但算醒胃，帶小小酸，恰好把蝦的雪味除去，所以食落幾鮮。食到雞翼時，可能我之前掛住食其他食物，所以有點放涼了，變得不大好食了，所以雞翼都是愈熱愈好食的！

安格斯牛粒可以一試，厚實的牛粒燒完外皮帶咬口內心仍嫩，而且牛脂慢慢咀嚼出來，兼有牛味，完全享受！

鮑魚偏細隻，都不用動用刀了，一下叉起即可放進口中，不過勝在彈牙鮮甜，都算值回票價的。

contact me:

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<google+><Fashion & beauty><Beautylife><The ztyle><Beautyexchange><Blogspot><she.com><Imore>

<Lady Qooza><qooza beauty><weshare>