在前往花園街血拼的途上，被陣陣串燒的誘人香氣不期然吸引住我的腳步，引起一連續的反射作用：打鼓！無計，血拼前先醫飽個肚食先！
原來這是一間泰國菜的餐館，怪不得串燒咁香啦，不知點解，泰國菜館的串燒大都幾好食，試過幾間都係咁。
香噴噴的串燒，當然要來幾串先啦！我們點了雞翼啦，雞肉啦，和牛串咁。
手掌咁大隻的雞全翼都只是15元一隻，簡直抗通脹首選啦，而且火喉控制得好，金黃的感覺bbq得好香，配合埋那滋味的沙爹汁，滿口泰國風情！
再來這款和牛串也很有特色，嫩滑的和牛配以泰式生蝦醬，想不到原來都好夾！
咖喱炒大肉蟹$280值得一試，以約一斤重的大肉蟹來說，價錢算公道！留意番，我位於旺角這樣的一個旺區還要是佔地兩層的店舖內，見到的不是開天索價，而是公道均真的價錢，真是偷笑啦！唔怪之得呢道咁爆場啦！(影相時人不多，過了晚上八點，已經座無虛席了！)
講番隻蟹，算幾大隻，厚殼肉肥似菲律賓大肉蟹，肉夠鮮，甜味夠，配咖喱無得彈！而且咖喱應該加入了蛋白，令質感更厚身，用來伴飯應該好正！
誰知食食下發現竟然有麵！完全喜出望外啦！不得不給店家一個like吧！
古法烤鰽魚是個人私心推介！剛巧當日是星期一，這菜由138元以優惠價98元“益街坊“，愛魚之人如我，當然要品嚐品嚐啦！
不過烤法需時，要45分鐘才煮好，也對的，食好嘢等下都值得。邊食邊等時間倒也過得快。
怎麼這條鰽魚在古法的烤焗下仍然會這樣的嫩滑的？從魚腩到魚尾都滑不溜手，平常一定敷好多mask吧！？(笑)
泰廚泰國菜館 (旺角)
地址 : 旺角通菜街126號地下 旺角地鐵B2 / B3出口 旺角道轉入(金魚街)
電話 : 2749 9900
網址 : http://www.openrice.com/hongkong/restaurant/旺角-泰廚泰國菜館/183212
contact me:
電郵地址：[email protected]
follow my instagram:http://instagram.com/shadowccheung
歡迎加入fanpage :https://www.facebook.com/Shadowcblog
follow my openrice:shadowcblog
|
