之前來過的螢壽司一直令我夢雲牽掛，總想再找個時間又來食過！一來價錢平民化，二來食物有質素又夠鮮，三來環境不錯。今晚，我來也！
上次坐高枱，對住師傅正一正，老實說，雖然可以欣賞師傅的手藝，不過就好像有點不自然，吃得無咁自在。今次坐番平常座位，無咁多對眼望住，更能靜心欣賞所有嘢。
就好似四周圍的壁畫和擺設都好靚，完全是傳統的和式風格，甚有古典美。
特選刺身盛選料很豐富，而且不時不吃！好明顯是由師傅嚴選時令的刺身，所以揀佢來食就準沒錯啦！
等我話俾你地知包括左啲甚麼先！有特大牡丹蝦刺身、金目鯛薄造、活北寄貝刺身、漬鯖魚、和魴“魚弗“魚刺身，陣容都幾特別！
漬鯖魚味道非常濃郁，燒的吃得多，漬的還是首次食到，據說貨源小，所以不是常吃到！魚肉較腍，質感較黏，細骨處理得好好，唯腥味也不是一般人接受到。活北寄貝刺身非常新鮮，肉質比熟食時軟多了，嚼勁頗有，肉質彈牙，個人幾like~
金目鯛薄造呈半透明顏色，肉身散發出晶瑩剔透的白光，魚皮則是粉嫩且鮮豔的粉紅色，一看已經知是名品！吃落肉質鮮味爽實，非一般養殖魚所能比喻。
至於牡丹蝦刺身真是超大隻，蝦身有如姆指般粗，吃得自然暢快啦！而且黏稠的蝦肉的鮮味在唇齒間忘我跳舞，令人百嚐不厭呢！
食完牡丹蝦刺身，咁個蝦頭用來做甚麼好呢？蝦頭湯就盞鬼啦！加10元就可以滿足到我的願望了(≧∇≦)冬天來碗暖和又鮮甜的蝦頭麵豉湯，都咪話問寫意！
金菇牛肉卷就食得多，金菇釀雞翼就第一次食，都幾特別。去了骨的雞翼啖啖肉，食起來又方便，燒烤的煮法令雞皮又香又脆！而咬落又帶爽的金菇口感，令整體有新意又好食！
什錦天婦羅又是另一好食又抵食之作！大丈隻炸到香脆的大蝦味甜爽口，而天婦羅亦做到皮薄香脆，緊緊鎖住蝦的鮮味同時不會增加油膩感。
個人重喜歡茄子，因為經過油炸的茄子最juicy了，但有粉漿的保護，又不會太吸收油分，最食到茄子的原始味道~~
見到心思又有創意的菜式雞皮蝦仔(期間限定
)莫屬！
先將蝦串起，再去殼，再將雞皮包裹蝦肉，卷起再燒，聽到工序都覺得花了很有心機落去！而且這麼花心機的一個菜，竟然價廉物美！印象中好似係53蚊咁上下，有5隻，平均才十多元一串，今時今日香港地，魚旦都唔止十蚊啦！
而且估唔到雞皮和蝦是咁夾喎！燒得香脆散發着雞油芳香的雞皮和彈牙緊致的蝦肉，如鼓聲和琴聲的對唱卻又互相和應着！不能想像的組合卻又原來味道是好夾的！我大力推薦！
想來點澱粉質，可以考慮蒲燒鰻魚朴葉飯，香囗飽肚之選！
一打開，已經傳來陣陣葉香~其實我不知朴葉是啥，估計是荷葉之類的親戚吧？氣味倒是有點相似。
打開塊葉就見到有幾塊鰻魚，兩片漬蘿蔔，仲有啲蛋絲，整個“畫面“都幾靚。鰻魚肥美厚肉，燒的火侯剛好，keep到肉質的嫩滑，醬汁濃淡得宜，吃到我內心陣陣羶癢，而且送飯認真一流！
螢壽司:
銅鑼灣駱克道491-499號京都廣場6樓
|
