尋晚經過見到屋企樓下開左一間新餐廳，見到個名有“漁“字，一睇就知同海產有關啦！但凡同個海有關的，我都好鍾意食的！立刻點燃起我的興趣呢！
店面不大不少，大約可以容納三十人左右吧？
寛闊的卡座設計，坐得舒適自然食得招積啦！
叫得“漁一番“，果然有好多海鮮撐場喎！由大蜆到大如頭顱的珍寶象拔蚌或小如掌心的迷你韓國象拔蚌都有，深海泥猛(聽落好有巨獸feel😂),亦唔少得鎮店之寶活池魚王刺身啦！
套餐刺身都好抵食喎！唔洗走到鷺梁津咁遠啦，呢度整番條池魚再加鮑魚再加條蚌仔海鮮三寶有齊，全部刺身全部新鮮(我見到有幾個大魚缸養住好多，但竟然忘了影相！),講緊都係398元，400蚊仲有找！而且免加一嗰下過癮丫嘛！
在今時今日的香港 ，加一收費似乎是一條不成文的規矩， 每一頓的晚餐幾乎都逃不開加一的命運，除非幫襯茶仔吧？！ 竟然在打邊爐的地方免收加一！ 只是隨意的收番人頭醬油每位十蚊(醬油平常都起碼要付二十蚊一位ka!又平左！)，我頓時覺得好着數啊！
而且我發現呢度每款食物的價錢都走大衆化路線，可能是始終是住宅區，所以價錢都“街坊價“？
開好講咁多，來打邊爐梗要整番個四川麻辣雞煲至係我�Hstyle啦！未開滾之前影左一張，見到有荽茜、西芹、青紅椒和紫洋蔥作為配料，色彩都好豐富下。
經過2000高温加熱後，不用5分鐘就食得了！一打開但蓋嗰下真是好“麻“呀😍一陣香氣撲鼻，我立刻獸性大發，當下夾起就食！我叫了半隻，份量足，而且隻雞大隻得來雞肉有如雛雞般的質感嫩滑富彈性！而且麻辣方面亦做得好到位，點了小辣，我覺得麻籽份量控制得好好，食得到麻，而不會太辣，舌尖上那麻香的令人顫動，而不會給辣搶過了風頭！甚有令人回味的味道！麻辣就是有著這種令人牽腸掛肚的魔力！
美國桶蠔超大隻的說！像一把扇子般展開在我面前！😍
珍寶的份量引發起我莫名的興奮！而且真心覺得抵食到爆，皆因我平時在街市買一桶桶蠔都要138元，之後還要逐隻用牙刷洗乾淨，洗到條腰都累爆！現在158元有足一桶份量大大隻6隻而且每一隻都洗到白雪雪好乾淨，真是節省我好多工夫，食都食得爽皮啲啦！
煮熟了的桶蠔也沒有縮小太多，飽滿的肚皮、脹鼓鼓的身軀😍亦然在！咬開完全juicy蠔汁噴出，晶瑩的甘露鮮味無窮，愛蠔者必必必食！
手打墨魚丸拼蝦丸相對就略為貴了啲，88元共6顆，不過用料又確是十足的！
夠大粒之外，口感亦非常彈牙！尤其墨魚丸咬落去感覺到那回彈力真是不是說笑的。蝦丸除了彈，鮮味都非常讚喔！那粉紅色的蝦肉和蝦膠相互糾纏，彷彿是在咀內亂竄亂跳，完全好似還有生命似的！
今晚得我和男友兩個人，所以也不好叫一整條魚刺身來吃，但愛魚的我，也要叫番個鯇魚片來一解我的饞嘴。
鯇魚片經過輕灼後，變得爽脆，肉質雪白新鮮，而且最難得是一條細骨都無！處理得好乾淨，好吃而且吃得放心！
水魷魚大塊又大份，肉質鮮嫩保持到彈性又不會過韌。
食麻辣火鍋識食真是要食埋百福豆腐、金菇和炸豆卜！豆卜和金菇會吸曬麻和辣的精華並且倍化它，在食的時候將味蕾的感覺推到最高！感覺尤其爽B 的！而百福豆腐真是堅滑，所以我通常放到最後煮完曬其他食物才食它，免得攪爛它。食它就彷彿食緊辣的豆腐花般，真是好滋味的，而且是飽肚之選，有益過公仔麵，大家不妨下次都試下！
|
