銅鑼灣有開左一間新的餐廳，係下午茶tea壹tea既好去處~
話說果日我去到銅鑼灣行街街， 行行下見到有家 以園林為主題裝修�H餐廳。
俾到我好relax的感覺，而且勁多sofa,啱曬我行到累，坐下竭一竭！
Menu上勁多我喜歡的All day breakfast同埋 wraffle，攪到我心大心細，呢樣又想試，嗰樣又想食呀(≧3≦)
唔好講咁多， 整番杯芒果慕斯嘆下先！ 超濃郁的芒果慕斯甜甜地，感覺到由真芒果打出來的口感！勁濃芒果味，又夠凍，十分解渴！on top有個雲尼那雪糕球潻！朋友個杯草莓慕斯都話覺得好正！
呢款咸牛肉三文治賣相精緻，完全是呃like之作！以一片片的咸牛肉作餡，配以碎蕃茄，正好作為中和咸味和帶出juicy感。餅底是鬆脆的口感，吐司以上，餅乾未滿那種，口感幾得意！
唯薯條唔夠熱，扣小小分啦！
蜜蜂雞翼蜜味夠濃，雞翼也夠皮香肉嫩，挺不錯的！最特別是配西芹菜，青翠的西芹帶來清新之感，配搭得宜。
炸雞相對更有驚喜！唔知係咪現在潮流興食炸雞定呢道啲炸雞真是幾好食，加上價錢經濟，幾十蚊有交易。雖然唔係韓式嗰啲成隻鶵雞炸來食，但肉質亦很嫩滑，而且個皮夠脆，一咬開仲有少量雞油流出來，香得很！推介，大愛！
Tomato 蝦意粉口感不錯，小小彈牙多多醬汁，帶小小墨西哥辣，不會太誇張，配以爽口清新的海鮮，不禁一口又一口吃個不停。
這款集合了雞肉沙律和炒滑蛋和格格窩夫的全日早餐就最適合追求均勻營養的健康人士了！
沙律夠清新夠曬健康，而且味道好，配雞肉白肉夠低脂。
蛋就當時是蛋白質豐富啦！而且蛋味濃又夠滑，比m記還好食呢！
格格窩夫偏薄身，屬較香脆的口感，沾上蜜糖更好吃~
甜品首推這款焦糖咖啡班戟！
未食已經被那華麗如花圃的畫面深深吸引著。
三層高的班戟，面那一層鋪滿了濃稠的咖啡醬。
再沾兩下焦糖醬，嘩，咖啡醬的香徐徐在口中帶開，甜甜的焦糖則緊緊扣住每一個味蕾，整件事好夾呀！簡直是感官的享受！必食必食必食♡♡♡😍
RB tea:
香港銅鑼灣記利佐治街1號金百利商場323-337號舖
|
