着迷雞煲和打邊爐的我，收到風有間任食雞煲邊爐放題，每位收費才二三百，但選料上乘，除了每位有指定份量的海鮮盛盒之外，還有靚牛肉食，更有不少火鍋配料！最特別是麻辣雞煲竟然是任叫任食的！咁我就一於可以試均小辣中辣大辣不同辣道啦！哈！
某些特別名貴的食材例如靚牛頸脊、花甲皇、巨型帶子、龍躉魚、三文魚刺身、泰式生蝦、鮑魚仔等都會作每人一客首次供應，之後如果要再叫，則要另外收費。
其他款式則可以任叫，例如丸類，雞煲，菇類、汽水、……不過其實所有嘢食一轉，都已經好飽下！
俾個大合照睇下吊下大家胃口先！
食熱氣嘢，當然要整返啲下火的飲品調和下啦！嘆店家自家製的菊花茶就最fit了！甜甜地，有好香的菊花味，清熱解渴正！
來呢度另一特色是勁多房間，連洗手間都有私家的！不但私隱度高，傾計大聲啲都唔怕人眼望望，約埋三五知己睇大結局又得，甚至睇下馬仔又得！
香噴噴雞煲好快就出場，當三分鐘的計時器一響起，立馬起筷食得！雞件嫩滑，小辣的程度不會有太大的辣，麻倒是香得很！色香味的雞煲在我們的筷子底下只能“生存“到三分鐘！哈哈！
實不相瞞，到最後我們又叫了個中辣雞煲再嘆過！
食完雞煲，通常都會就咁加湯打邊爐就算，但一哥竟然非常大手筆地再上另一個花甲蟹鍋來打邊爐！
說時遲那時快，鮮艷如紅唇的牛頸脊火辣登場！
嫩滑如初春踏雪的口感令人至今難望！
清晰的雪花紋理下散發出芳香的油脂味道，無論愛牛不愛牛的，相信都抗拒不了它的 魅力吧！
再來的海鮮盛盒也太叫人尖叫吧！(我們一行五人，所以每款各有一份)，排場也叫人興奮吧！想不到在香港地竟然食到支出與收穫如此不相稱，店家要賠大本的私房放題喎！好彩我有個識食和帶我食好嘢的朋友才食到呢😎
睇見那蝦背上那深色的斑紋，再加上那堅硬的外殼，一睇就知是深海彈牙靚蝦啦！
煮好後，色澤亦鮮豔得很，橙紅橙紅的，而食落的鮮味也不是講笑，只想可以來多一隻吧！
躲在後排的蟶子皇就最吸引到我的注視了！因為前面放了一堆東東，就完全無礙它的“身高“！放在手心一看，完全有昂藏七尺的感覺呀！
煮好都完全無縮水，和那楂菊花茶也有得fight!太誇張了吧！😂
而且肉質鮮味無得彈，咁大隻咁新鮮想唔爽口都難啦！
連殼帶子就很誘人呢！那爽甜的口感正是我鍾意食海鮮的主因吧！無蟶子咁爽，但啖啖肉的快感又是另一種層次感呢！
食海鮮又豈可無鮑魚呢？柔韌的質感，豐富的彈性，又豈是其他海產所能代替呢？
生魚片正好可以一解我對魚魚的情懷，既嫩滑卻帶小小彈性正是生魚片的特質吧？沾豉油就最帶出那鮮味了！
雖然我食量大，但食完雞呀海鮮呀咁，其實都full full 地，再試埋呢度啲丸丸真是好飽下。雲吞同水餃對於介食豬肉的我就唔食得，不過見到朋友encore左，就知應該都得得地。墨丸同牛肉都幾ok ,起碼彈性味道都夠，也不錯吃。
俾錢再叫的牛肉款頭都唔錯，份量還可以啦，始終收費太便宜，其實唸來唸去都門知呢間店收二百幾人頭，用咁高級�H料，點掙到錢�H呢？
最後仲有飯後甜品，自家製桂花糕每人一件，確實誠意十足！
一哥私房菜
佐敦佐敦道28-28A號佐敦廣場2樓
|
