剛剛去完日本玩，都心食儘靚和牛，在5日4夜的行程裏，起碼三餐燒肉無走雞啦！點知食得個一餐，有點失望了！還好那餐真的很好吃！所以在福岡回來香港後，我和男友第二晚已經急不及待要去嘆番餐靚和牛先！
之後朋友幫襯過呢間和牛·純，論牛肉質素頗高，和牛級數幾好，如果想食靚和牛，又唔太concern價錢�H，就要來呢度食下。
所以，here i am,來左！
呢度環境好和式，而且裝潢高級，真是俾到我好正宗日本料理店的感覺！除了有壽司枱之外，更設有幾間vip room,穩私度高，談天把下酒最啱！
餐廳採用了先進的屏幕點餐，可以睇清楚相片才點。
不過餐單上的圖片像真度其實已經好高，不會出現圖過於實的情況，因為呢度用的材料真是落足料，件件都係飛機貨，由日本空運直送的靚牛，自然格外嫩滑啦！ 純種和牛來自佐賀、宮崎、飛驒、鹿兒島、長崎、熊本等地，不時轉換。只取日本和牛，宗旨是一切以優質行先，確是名副其實「純」和牛專門店。
就好似我今晚和男友來食的呢個和牛盛盒一樣，一上枱，那粉嫩的紅色真是要有番咁上下級數才呈現到出來的色澤，識貨的我當然一眼就睇得出啦！
4式和牛包括有 特選日本產和牛牛排肉， 特選日本產和牛上牛排肉， 日本產和牛上肩眼和 日本和牛赤身肉。
未嘆靚和牛前來個開胃醒胃的菜沙先。配以黑醋味道清新可口。
再來要介紹下兩杯特飲，分別是 蘋果醋荔枝梳打和白桃汽酒。兩杯各有特色，其中 帶黃色的是蘋果醋荔枝梳打清甜，非常濃郁的荔枝香氣和蘋果的味道好夾，男女老少都好啱飲！
而白桃汽酒又是另一番感受，唔好見佢個名是汽酒就小看它啊，因為一飲落口，已經知道酒精濃度唔小料，如果現在有火，我絕對可以表現噴火，是有料到的。飲落就好似桃味的清酒一樣，只是大杯左同加了冰加了汽咁囉！味道倒是挺順喉的，食燒肉配呢杯是很不錯的配搭。而且價錢算抵，高身杯高濃度才50塊，便宜又好喝！讓我不小心也喝多了😈
食燒肉又點可以唔來白飯呢？！雖然我平時唔係幾食飯�H，但每逢食燒肉，尤其和牛都要食曬成碗飯的！我想應該是飯能中和一下和牛的油膩感吧！而且呢度啲米明顯都係日本靚米，同我在日本高級店食到的口感係一樣㗎！
講左咁耐，口水都乾，靚牛是時候出場了！建議先由油花較低的食起先。所以我們就由 日本和牛赤身肉開始了！切得非常薄的赤身肉，一打開真是紙咁薄，在燈光下完全透到光的，刀功可謂一絕！
亦可能是薄切的關係，又或者佢赤得來，其實都好肥下，😂，所以一啲都唔韌，而且牛味仲好濃潻！
日本產和牛上肩眼的花紋好特別，有點像肉眼的感覺，都是中間位帶根，可是口感就有好大分別了！肉眼的根位太過結實，有時候，根本難於咀嚼，而且欠缺味道；而牛肩眼而且是和牛的牛肩眼一點也不會韌，只是會比一般部位多一分嚼勁，但一點也不會覺得韌，肉味且濃，而油花同時剛好，可謂牛肉味和油花兩者能同時兼得的部位呢！
至於特選日本產和牛牛排肉燒的時候真是格外香逸的！因為油花十足，見到那紅白的比例嗎？真是不一樣！感覺就好似賞櫻般令人覺得好悅目呢！據說，一頭牛的牛排肉得好細片咋，所以是特別名貴和好吃的部位，就好似吞拿魚的拖羅的道理一樣吧？
正常應該兩邊燙兩燙就食的，我的朋友都如是，所以見到我把那上好的牛排肉燒到網紋都出來了，相信他們定會大呼小叫吧😂
和牛的牛排肉就是有這種好處嘛，就是無論我點燒，都一樣是滑不溜手的！呀，是滑不溜口才對！😆
一咬落口，那滿溢的油香一湧而至，整個人猶如飄蕩在雲霧間，我終於明白點解當時阿味吉洋一點解一食親好食的，都會飛上天際了！試過，你都會明白，原來因為：太好食啦…啦…啦…
既然牛排肉咁矜貴，那特選日本產和牛上牛排肉就更加唔洗講，是矜貴中的矜貴啦！你睇下啲牛燒完之後仲幾反油光？
入口即溶其實都唔足以形容它，可是我詞窮，就是入口即溶最形容到了！油花多到我一咬好似唔係食緊牛肉咁，係食緊軟綿綿半溶狀態的北海道牛油咁囉！點解係北海道？因為嗰度的牛乳係最香濃又唔羶，而且係最優質㗎囉！
咁高級咁高質，所以話日本和牛真是牛之中最深得我和男友心的！
和牛燒肉•純
;
尖沙咀尖東加連威老道96號希爾頓大廈1樓3號舖
|
