今晚行過旺角，見到有間門口放曬花，應該新開張，立刻同朋友去試新嘢！
呢間店啲裝修就ok,分兩層，樓上個層大啲，都坐得舒適。
餐牌就比較簡單，底面兩頁，完，一面是文字格式，一面是圖畫格式。特別之處是呢度又食到西餐，又食到印度菜式，又有啲港式，幾多國化，十足迷你香港的縮影。
咸牛肉多士賣相非常得我心，一來我平常都好鍾意食呢個配搭的三文治，二來配金黃色的薯條視覺效果一流。
烘過的多士格外鬆脆，兼有網紋，都造型都有埋，整體味道幾好。不過如果啲咸牛肉可以輕炒兩下，咁我相信啲芝士會融心啲，會再好食啲。
煙三文魚凱撒沙律一出場我 o 左咀。點解要用個密封樽載住呢？唔通要保鮮？😂
點知一打開個蓋，一陣輕煙緩緩散出來，帶着陣陣木香，三文魚又砌到成朵花咁，整件事真是好有心思，仲有啲浪漫潻！
味道方面，都真是唔錯喎！cream cheese 和菜一向係好拍檔，而三文魚那陣煙味又真是濃啲香出啲喎，夾入了切碎了的多士粒增加了口感，唔，我俾90分啦！
雙色墨魚串串，墨魚㬵由店家全人手打造，有黑色和白色各兩串，可以開心sharing的份量。
白色墨魚較有咬感，非常有彈性，彷彿墨魚在咀內躍動的感覺。而黑色墨魚都好彈，不過鮮味勁啲，而且甜甜地，又加左啲墨魚顆粒，食起來更滋味！
咸旦魷魚鬚呢味菜式都幾特別，原本聽個名以為好似咸蛋蝦咁以炸的煮法，原來係好像咖哩咁煮。
個醬真是非常香，唔算好咸，但咸蛋黃的味道在醬汁間穿梭遊走，很是吸引！用來伴蒜蓉包一絕！(但我們竟然忘記了點😦，唯有下次再試吧！)
而且估唔到碗仔細細，但有好有魷魚係入面，我倆仲猛話：點觸食緊都仲有�H？
魷魚和咸蛋的味道好夾，咸蛋既可補足魷魚本身較淡的缺點，魷魚又可將口感提升，絕對要試！
我和朋友食完牛柳粒串都直豎挴指！覺得非常嫩滑，我更一度懷疑是和牛，可是一碟才賣48塊有兩串的話，價錢上說不通喎！不禁詢問店家，原來是選用了Prime grade牛肉，怪不得牛肉味香濃，肉質又鮮嫩多汁，軟腍鬆化啦！識食一定食它！
蠔餅用日本新鮮廣島蠔制作，蠔味唔錯，未食已經嗅到。
鐵板上令蠔餅口感頗鬆脆，而且夠曬熱，雖然和平常食到的潮州蠔餅不一樣，不過都幾好食，而且好似無咁熱氣。不過底部略為有焦黑為美中不足。
甜品不妨來一客開心果雪糕，唔係周圍有得食，夠特別的一個口味。個人幾like~和開心果的味幾像真，又唔會太甜，雪糕的質地算滑，texture ok!
Lab 66 (旺角)
地址 : 旺角黑布街74號地下1號舖
|
